CM Jagan Manifesto : సూపర్ సిక్స్ ని మించి జగన్ మ్యానిఫెస్టో ?

ఎట్టి పరిస్థితుల్లోనైనా రెండోసారి అధికారంలోకి వచ్చి తీరాలనే పట్టుదలతో ఉన్న వైసిపి అధినేత, ఏపీ సీఎం జగన్( CM Jagan ) దానికి అనుగుణంగానే కసరత్తు చేస్తున్నారు.

వై నాట్ 175 అనే నినాదాన్ని వినిపిస్తూనే పార్టీ శ్రేణులను ఉత్సాహపరిచేందుకు, వారిని ఎన్నికలకు సిద్ధం చేసేందుకు సిద్ధం పేరుతో భారీ సభలను నిర్వహిస్తున్నారు.

ఇక వచ్చే ఎన్నికల్లో తమను ఓడించేందుకు టిడిపి, జనసేనలు కూటమిగా వస్తుండడం, రకరకాల పథకాల పేరుతో జనాలను ఆకట్టుకునే విధంగా ప్రయత్నాలు చేయడం, ముఖ్యంగా సూపర్ సిక్స్ పేరుతో చంద్రబాబు( Chandrababu ) తొలి విడత మేనిఫెస్టోను విడుదల చేయడంతో జగన్ కూడా అలెర్ట్ అవుతున్నారు.టిడిపి ప్రకటించిన సూపర్ సిక్స్ మేనిఫెస్టోను( Super Six Manifesto ) మించి ఉండేలా కొత్త మేనిఫెస్టోను రూపొందించే పనిలో ఇప్పటికే ఒక ప్రత్యేక టీమ్ ను ఏర్పాటు చేసారు.

ఈ నెల 18 న ఉమ్మడి అనంతపురం జిల్లాలోని రాప్తాడు బహిరంగ సభలో జగన్ ఈ మేనిఫెస్టోను విడుదల చేయబోతున్నారు .ఈ మేనిఫెస్టో అత్యంత ప్రతిష్టాత్మకం కావడంతో దానికి అనుగుణంగానే కసరత్తు చేస్తున్నారు.