కెనడా : వాంకోవర్‌లోని కాన్సులేట్ కార్యాలయం వద్ద పోస్టర్ కలకలం .. భారత వ్యతిరేక రాతలు

కెనడాలో( Canada ) ఖలిస్తాన్ మద్ధతుదారుల ఆగడాలు నానాటికీ పెరుగుతున్న సంగతి తెలిసిందే.హిందూ దేవాలయాలు, విగ్రహాలు, మహాత్మా గాంధీ విగ్రహాలపై దాడులు జరుగుతున్నాయి.

అంతేకాదు.భారత దౌత్య కార్యాలయాలపైనా( Indian Consulates ) దాడులు చేస్తూ, దౌత్య సిబ్బందిని బెదిరిస్తున్నారు.

ఖలిస్తాన్ వేర్పాటువాదులను నియంత్రించాలని భారత ప్రభుత్వం ఎన్నిసార్లు హెచ్చరించినా కెనడా పట్టించుకున్న దాఖలాలు లేవు.ఇవి అంతిమంగా ఇరుదేశాల సంబంధాలను ప్రభావితం చేస్తాయని నిపుణులు హెచ్చరిస్తున్నారు.

తాజాగా వాంకోవర్‌లోని( Vancouver ) భారత కాన్సులేట్ కార్యాలయ భవనం వద్ద భారత వ్యతిరేక పోస్టర్‌ను ప్రదర్శించారు గుర్తు తెలియని వ్యక్తులు.ఇక్కడి భద్రతా వైఫల్యంపై భారత్ మరోసారి భగ్గుమంది.

ఈ వారం ప్రారంభంలో మెట్రో వాంకోవర్ ప్రాంతంలోని వివిధ ప్రదేశాలలో , ముఖ్యంగా సర్రే పట్టణంలో కనిపించిన పోస్టర్‌ల మాదిరిగానే తాజా పోస్టర్ వుంది.ఈ పోస్టర్లలో కెనడాలోని భారత సీనియర్ దౌత్యవేత్తల ఫోటోలు, పేర్ల కింద ‘వాంటెడ్’’ అనే పదాన్ని ఉపయోగించారు ఆగంతకులు.

ఒట్టావాలోని( Ottawa ) భారత హైకమీషనర్, వాంకోవర్, టొరంటోలోని కాన్సుల్ జనరల్స్ పేర్లను వారు ప్రస్తావించారు.మంగళవారం ఉదయం కాన్సులేట్ హౌసింగ్ భవనం ప్రవేశ ద్వారం వద్ద పోస్టర్‌ను గుర్తించిన అధికారులు దానిని తొలగించారు.

దుండగులు దానిని తెల్లవారుజామున అక్కడ వుంచినట్లుగా పోలీసులు భావిస్తున్నారు.