పంజాబ్‌లో వ్యాపారి హత్య.. అమెరికాలోని ఎన్ఆర్ఐ ప్రమేయం, పాతకక్షలతో దారుణంగా

2011లో మృతి చెందిన దల్జీత్ కౌర్ మరణానికి ప్రతీకారం తీర్చుకునేందుకు నిందితులు కుల్బీర్ సింగ్‌ను హత్య చేశారని అతని తండ్రి ఆరోపిస్తున్నాడు.దల్జీత్ చావుకు సంబంధించి కుల్బీర్ సింగ్‌పై కేసు నమోదైనప్పటికీ, రెండేళ్ల తర్వాత అతనిని కోర్ట్ నిర్దోషిగా విడుదల చేసింది.అమృత్‌సర్‌లోని ఓ హోటల్‌లో పనిచేసే తన కుమార్తె దల్జీత్ కౌర్‌తో కుల్బీర్‌కు అక్రమ సంబంధం ఉందని కశ్మీర్ సింగ్ కుటుంబం అనుమానించేది.

ఈ క్రమంలోనే 2011లో దల్జీత్ ప్రాణాలు కోల్పోయింది.ధరద్ గ్రామానికి చెందిన కుల్బీర్ సింగ్ (40) రోజూ మాదిరిగానే కస్టమర్లకు పాలు పంపిణీ చేసి తన కారులో ఇంటికి తిరిగి వస్తున్నాడు.

ఈ క్రమంలో తారాగఢ్ తలావాన్ గ్రామం వద్ద బైక్‌పై వచ్చిన ఇద్దరు అగంతకులు అతని కారును ఆపి విచక్షణారహితంగా కాల్పులకు దిగారు.ఈ ఘటనలో కుల్బీర్ తల, భుజంలోకి బుల్లెట్లు దూసుకెళ్లి అతను అక్కడికక్కడే ప్రాణాలు కోల్పోయాడు.