హైదరాబాద్ కు కవిత ... నేడు కేసిఆర్ తో భేటీ 

ఢిల్లీ లిక్కర్ స్కాం వ్యవహారంలో అరెస్ట్ అయ్యి జైలులో ఉన్న బీఆర్ఎస్ ఎమ్మెల్సీ కల్వకుంట్ల కవితకు( MLC Kalvakuntla Kavitha ) సుప్రీంకోర్టు బెయిల్ మంజూరు చేయడంతో ఈరోజు హైదరాబాద్ కు ఆమె రానున్నారు.  ఈరోజు మధ్యాహ్నం 2.

45 గంటలకు ఢిల్లీ నుంచి హైదరాబాద్ లోని శంషాబాద్ విమానాశ్రయానికి ఆమె చేరుకుంటారు.బెయిల్ పై విడుదల తరువాత హైదరాబాద్ కు వస్తున్న కవితకు భారీగా స్వాగతం పలికేందుకు అభిమానులు,  తెలంగాణ జాగృతి కార్యకర్తలు,  బీఆర్ఎస్ కార్యకర్తలు ఏర్పాట్లు చేస్తున్నారు.

కవిత నిన్న రాత్రి 9 గంటలకు తీహార్ జైలు నుంచి విడుదల అయ్యారు.  బెయిల్ ఫార్మాలిటీస్ అన్ని పూర్తిచేసుకుని జైలు నుంచి బయటకు రాగానే కవిత కుమారుడు,  భర్త,  సోదరుడు కేటీఆర్ ను( KTR ) ఆలింగనం చేసుకుని కన్నీటి పర్యంతం అయ్యారు.