బిగ్‌బాస్‌ 8లో ఏకంగా 12 వైల్డ్ కార్డు ఎంట్రీలు.. ఇక మామూలుగా ఉండదు..!

సాధారణంగా ప్రతి బిగ్‌బాస్ సీజన్‌లో వైల్డ్ కార్డు ఎంట్రీ( Wild Card Entry ) ద్వారా ఒకరు లేదా ఇద్దరు కంటెస్టెంట్లను హౌస్ లోకి తీసుకొస్తారు.కానీ ఈసారి ఎవరి ఊహలకు అందని విధంగా ఏకంగా 12 మందిని వైల్డ్ కార్డు ఎంట్రీ ద్వారా హౌస్ లోకి తీసుకురాపోతున్నామని బిగ్ బాస్ ప్రకటించాడు.రీసెంట్ ప్రోమో ద్వారా ఈ ట్విస్ట్ తెలిసింది.

ప్రోమోలో "బిగ్ బాస్ ఇంట్లో ఒక పెద్ద భూకంపం రాబోతోంది.బిగ్‌బాస్ చరిత్రలో ఒకటి కాదు, రెండు కాదు, 5 కాదు, ఏకంగా 12 వైల్డ్ కార్డు ఎంట్రీలు రాబోతున్నాయి.

వీళ్ళు రావడానికి రెండు వారాల సమయం మాత్రమే ఉంది.వాళ్ళని ఆపడానికి కంటెస్టెంట్లందరికీ ఛాన్స్ ఇస్తున్నాం.

అదేంటంటే మీరు హౌస్ లో పెట్టే ఒక్కొక్క టాస్క్ గెలవడం ద్వారా ఒక్కొక్క వైల్డ్ కార్డు ఎంట్రీని అడ్డుకోవచ్చు.మొత్తం 12 టాస్కులు ఉంటాయి, ఎన్ని టాస్కులలో కంటెస్టెంట్స్‌ ఫెయిల్ అయితే అంతమంది వైల్డ్ కార్డు ఎంట్రీ ద్వారా హౌస్ లోకి ఎంట్రీ ఇస్తారు.

" అని బిగ్ బాస్ తెలిపాడు.