ఇండోనేషియాలో అమెరికా రాయబారిగా భారత సంతతి దౌత్యవేత్త .. బైడెన్ ఆదేశాలు

భారతీయ తండ్రి, అమెరికన్ తల్లికి జన్మించిన కమలా లఖ్‌దీర్.హార్వర్డ్ కాలేజీ ( Harvard College )నుంచి బీఏ, నేషనల్ వార్ కాలేజ్ నుంచి ఎంఎస్ పట్టా పొందారు.చైనీస్, బహాసా ఇండోనేషియా భాషల్లో ఆమె అనర్గళంగా మాట్లాడగలరు.

కనెక్టికట్‌లోని వెస్ట్‌పోర్ట్‌లో పెరిగిన లఖ్‌దీర్ తండ్రి 1940లలో బర్కిలీలోని కాలిఫోర్నియా యూనివర్సిటీలో చేరేందుకు ముంబై నుంచి అమెరికాకు వలసవచ్చారు.నేషనల్ మ్యూజియం ఆఫ్ అమెరికన్ డిప్లొమసీలో ప్రచురించబడిన ఒక ఇంటర్వ్యూలో .లఖ్‌దీర్ తన తల్లిదండ్రుల అంతర్జాతీయ నేపథ్యం, విదేశాలలో కుటుంబ పర్యటనల కారణంగా తన అంతర్జాతీయ కెరీర్ చిన్నతనంలోనే ప్రారంభమైందని వెల్లడించారు.1986లో హార్వర్డ్ కళాశాల నుంచి పట్టభద్రురాలయ్యాక.రెండేళ్లపాటు చైనాలో టీచర్‌గా పనిచేశారు కమల.ఈ క్రమంలోనే దౌత్యవేత్తగా మారాలని లఖ్‌దీర్‌ నిర్ణయించుకున్నారు.