ఒకప్పుడు ప్యూన్.. ఇప్పుడు వేల రూ.కోట్లకు అధిపతి.. ఫెవికాల్ ఓనర్ సక్సెస్ కు ఫిదా అవ్వాల్సిందే!

ఒకప్పుడు దీనస్థితిని అనుభవించి కెరీర్ పరంగా సక్సెస్ సాధించిన వ్యక్తుల సక్సెస్ వెనుక ఎన్నో కష్టాలు ఉంటాయి.

ఫెవికాల్, ఫెవిక్విక్ ఓనర్ బల్వంత్ పరేఖ్ ( Feviquik Owner Balwant Parekh )సక్సెస్ స్టోరీ ఎంతోమందికి స్పూర్తిగా నిలుస్తుందని చెప్పడంలో ఎలాంటి సందేహం అవసరం లేదు.

ఒకప్పుడు ప్యూన్ గా పని చేసిన బల్వంత్ ఇప్పుడు వందల సంఖ్యలో నిరుద్యోగులకు ఉద్యోగాలు ఇచ్చే స్థాయికి ఎదిగారు.ఒకప్పుడు ఇంటి అద్దె కట్టడానికి కూడా బల్వంత్ ఇబ్బంది పడ్డారు.

ప్రస్తుతం బల్వంత్ పరేఖ్ ఆస్తుల విలువ 88 వేల కోట్ల రూపాయలు కావడం గమనార్హం.ఎన్నో కష్టాలు, ఎన్నో ఇబ్బందులు, ఎన్నో ఒడిదొడుకులు ఎదురైనా బల్వంత్ మాత్రం వెనుకడుగు వేయలేదు.

ఫెవికాల్, ఫెవిక్విక్, ఎంసీఎల్ ఉత్పత్తులను తయారు చేయడం ద్వారా బల్వంత్ ఈ స్థాయికి ఎదిగారు.పిడిలైట్ ఇండస్ట్రీస్( PIDLIGHT INDUSTRIES ) ఈ ఉత్పత్తులను తయారు చేస్తున్నాయి.

ఇష్టం లేకుండానే లా చదివిన బల్వంత్ పెళ్లి తర్వాత ఆర్థిక ఇబ్బందులు ఎదుర్కొన్నారు.