అడవి పేరుతో వస్తున్న బన్నీ.. హిట్ పక్కా అంటున్న సుక్కు

స్టైలిష్ స్టార్ అల్లు అర్జున్ నటించిన తాజా చిత్రం ‘అల వైకుంఠపురములో’ టాలీవుడ్ బాక్సాఫీస్ వద్ద దుమ్ములేపుతూ రికార్డులకు పాతర వేస్తున్న విషయం తెలిసిందే.ఈ సినిమా ఇప్పటికే రూ.

100 కోట్లకు పైగా కలెక్షన్లు కొల్లగొట్టినట్లు తెలుస్తోంది.దీంతో ఈ సినిమా నాన్ బాహుబలి రికార్డులను ఎగరేసుకుపోవడం ఖాయమని అంటున్నారు బన్నీ ఫ్యాన్స్.

ఇక ఈ సినిమా బ్లాక్‌బస్టర్ హిట్‌గా నిలవడంతో బన్నీ తన నెక్ట్స్ మూవీని క్రియేటివ్ డైరెక్టర్ సుకుమార్ దర్శకత్వంలో నటించనున్నాడు.ఇప్పటికే ఈ సినిమాను అనౌన్స్ చేయడమే కాకుండా షూటింగ్ కూడా శరవేగంగా జరుపుతున్నారు చిత్ర యూనిట్.

తాజాగా ఈ సినిమాకు సంబంధించిన టైటిల్ విషయంలో ఓ వార్త సోషల్ మీడియాలో తెగ హల్‌చల్ చేస్తోంది.ఈ సినిమా ఎర్రచందనం స్మగ్లింగ్‌కు సంబంధించిన బ్యాక్‌డ్రాప్‌లో తెరకెక్కుతుండటంతో ఈ సినిమా మెజారిటీ షూటింగ్‌ను శేషాచలం అడవుల్లో చిత్రీకరించేందుకు సుకుమార్ ప్లాన్ చేస్తున్నారు.

దీంతో ఈ సినిమా టైటిల్ ‘శేషాచలం’ అయితేనే బాగుంటుందని సుక్కు అంటున్నారు.మొత్తానికి బన్నీ-సుక్కు సినిమాకు అదిరిపోయే టైటిల్‌ను ఫిక్స్ చేయనున్నట్లు అప్పుడే బన్నీ ఫ్యాన్స్ ఫిక్స్ అవుతున్నారు.

ఈ సినిమాతో బన్నీ మరోసారి మాస్ అవతారంలోకి మారనున్నట్లు తెలుస్తోంది.కాగా ఈ సినిమాలో హీరోయిన్‌గా రష్మిక మందన్న నటిస్తుండగా, హాట్ యాంకర్ అనసూయ ఓ అదిరిపోయే రోల్‌లో నటించనున్నట్లు తెలుస్తోంది.

మైత్రీ మూవీ మేకర్స్ నిర్మిస్తున్న ఈ సినిమాలో తమిళ స్టార్ విజయ్ సేథుపతి విలన్ పాత్రలో నటిస్తున్నాడు.