వచ్చే నెలలో మూడవ రిపబ్లికన్ ప్రైమరీ డిబేట్.. టాప్ 4‌ని మాత్రమే అనుమతించండి : వివేక్ రామస్వామి

అమెరికా అధ్యక్ష ఎన్నికల్లో రిపబ్లికన్ పార్టీ( Republican Party ) తరపున పోటీ చేస్తున్న భారత సంతతికి చెందిన వివేక్ రామస్వామి( Vivek Ramaswamy ) తన ప్రచారంలో దూసుకెళ్తున్నారు.

రిపబ్లికన్ అభ్యర్ధుల్లో ట్రంప్ తర్వాతి స్థానంలో ఆయన వున్నట్లుగా కొన్ని సర్వేలు చెబుతున్నాయి.

ఇప్పటికే జరిగిన రెండు రిపబ్లికన్ ప్రైమరీ డిబేట్‌లలో వివేక్ తన సత్తా చాటారు.ఈ క్రమంలో ఆయన వచ్చే నెలలో జరగనున్న మూడవ రిపబ్లికన్ ప్రైమరీ డిబేట్‌ను ఉద్దేశించి ఆయన కీలక వ్యాఖ్యలు చేశారు.

ఆ చర్చా కార్యక్రమానికి జాతీయ స్థాయిలో జరిగే పోలింగ్‌లో తొలి నాలుగు స్థానాల్లో నిలిచే అభ్యర్ధులను మాత్రమే అనుమతించాలని వివేక్ ప్రచార బృందం .రిపబ్లికన్ నేషనల్ కమిటీని కోరింది.