అరటి సాగులో పనామా కుళ్ళు తెగుల నివారణకు చర్యలు..!

Khaja Hussain

News Reporter

2023-06-21   15:47:23  IST

అరటి సాగును( Banana ) ఆశించే పనామా కుళ్ళు తెగులు ఒక ఫంగస్ వల్ల వ్యాప్తి చెందుతుంది.

Ad

భూమి లోపల కొన్ని దశాబ్దాల పాటు ఈ ఫంగస్ జీవించే ఉంటుంది.

అరటి మొక్క వేర్ల ద్వారా చెట్టు లోపలికి ప్రవేశిస్తుంది.ఈ ఫంగస్ నీటి ద్వారా, పనిముట్ల ద్వారా, పాదరక్షల ద్వారా చుట్టుపక్కల ప్రాంతాలకు వ్యాప్తి చెందుతుంది.

ఉష్ణోగ్రత పెరిగితే ఈ తెగుల వ్యాప్తి కూడా పెరుగుతుంది.ఈ తెగుళ్ల ప్రధాన పాత్ర ఏమిటంటే పోషకాలు అందించే కణజాలాలను ఎండిపోయేటట్టు చేయడం.

అలా చేస్తే ఆకులు పసుపు రంగులోకి మారుతాయి.తొలి దశలో ఈ తెగులను అరికట్టకపోతే తీవ్ర నష్టం ఎదుర్కోవలసిందే.

అరటి చెట్లు ముదురు పసుపు రంగులోకి మారి వాడిపోతే ఆ చెట్లకు తెగులు సోకినట్లు నిర్ధారించుకోవాలి.పసుపు రంగులోకి మారిన ఆకులు క్రమంగా చీలిపోవడం, ఎండిపోవడం జరుగుతుంది.మరి ఈ తెగులు ఎలా నివారించాలో చూద్దాం.

మార్కెట్లో అధికంగా నకిలీ విత్తనాల దందా కొనసాగుతున్న సంగతి అందరికీ తెలిసిందే.కాబట్టి సర్టిఫైడ్ కంపెనీ నుంచి తెగులు నిరోధక మొక్కల( Pest resistant plants ) రకాలను ఎంచుకోవాలి.

పొలంలో నీరు నిల్వ ఉండకుండా నీటిపారుదల వ్యవస్థను చక్కగా ఏర్పాటు చేసుకోవాలి.తెగులు సోకిన మొక్కలను పంట నుండి వేరు చేసి వెంటనే కాల్చి నాశనం చేయాలి.

పొలంలో ఉపయోగించే పనిముట్లను హైపోక్లోరైడ్ తో శుద్ధి చేయాలి.