కాంగ్రెస్కు నక్షత్రకుడులా మారిన ఆమ్ ఆద్మీ ?

దశాబ్దాల పాటు భారత్ ను పరిపాలించిన కాంగ్రెస్( Congress party ) తన స్వయంకృతాపరదాలతో కొన్ని రాష్ట్రాలను, అవినీతి ఆరోపణలతో మరికొన్ని రాష్ట్రాలను వర్గపోరుతో మరికొన్ని రాష్ట్రాలను ఇలా దేశవ్యాప్తంగా తన ప్రభావాన్ని కోల్పోయి దయనీయ స్థితికి చేరింది.

దాంతో అవకాశాన్ని చేజిక్కించుకున్న భాజపా ఇప్పటికే రెండు పర్యాయాలు ఢిల్లీ గద్దెలో కూర్చుంది.

తన బలం కన్నా ప్రత్యర్థి బలహీనతలను ఎక్కువగా ఉపయోగించుకున్న భాజపా కాంగ్రెస్ గెలిచిన రాష్ట్రాలను కూడా తనదైన లౌక్యంతో పడగొట్టి తన ప్రభుత్వాలు తిరిగి పునస్సృష్టించింది.అయితే కాలం ఎప్పుడూ ఒకేలా ఉండదు కదా, భాజపా పరిపాలన వైఫల్యాలు, ప్రజా ఉద్యమాలను నిర్ధాక్షిణ్యంగా అణిచివేయటం వంటివి ప్రజాస్వామ్యవాదులలో వ్యతిరేకత కలుగచేయగా, కేంద్ర ప్రభుత్వ సంస్థలను తెగ నమ్మడం,సమాఖ్య వ్యవస్థకు తూట్లు పోవడం వంటివి దేశవ్యాప్తంగా భాజపా పట్ల కొంత వ్యతిరేకత పెంచాయి .దాంతో బలంగా పుంజుకోకపోయినప్పటికీ కాంగ్రెస్కు పునర్ వైభవం వచ్చే అవకాశం వచ్చింది.కాంగ్రెస్ కూడా అంది వచ్చిన అవకాశాన్ని రెండు చేతులా అందుకునేందుకు బలంగానే ప్రయత్నం చేస్తుంది .