నీటిలో తడుస్తూ ఎంజాయ్ చేస్తున్న కుక్క.. వీడియో వైరల్

సోషల్ మీడియాలోని వెరైటీ కంటెంట్ చూస్తే ఒక్కోసారి మన ముఖంపై చిరునవ్వు వస్తుంది.

అయితే తాజాగా అలాంటి చిరు నవ్వు తెప్పించే ఒక వీడియో వైరల్ గా మారింది.

ఈ వీడియో లో ఒక క్యూట్ డాగ్ నీటిలో ఎంజాయ్ చేస్తూ అందరినీ ఫిదా చేసింది.ఈ అందమైన లాబ్రడార్ జాతి కుక్క నీటితో నిండిన కొన్ని బకెట్ల క్రింద దూకడం, సరదాగా ఆడుకోవడం మీరు ఈ వీడియోలో గమనించవచ్చు.

వైరల్ అవుతున్న వీడియోను బ్యూటెంగేబిడెన్ పేజీ ట్విట్టర్‌లో పోస్ట్ చేసింది.ఈ వీడియోలో, బకెట్లు ఒక్కొక్కటిగా నీటిని పోస్తుండగా.

వాటి కింద కుక్క నీటిలో తడుస్తూ ఉల్లాసంగా, ఉత్సాహంగా ఎంజాయ్ చేయడం గమనించవచ్చు.అయితే సాధారణంగా కుక్కలు నీటిలో తడిచేందుకు అంతగా ఇష్టపడవు.

వేసవి తాపం నుంచి బయటపడేందుకు నీటిలో మునుగుతాయేమో కానీ మామూలు సమయాల్లో ఇవి నీటికి ఆమడదూరం ఉంటాయి.కానీ ఈ వీడియోలో కనిపిస్తున్న ఈ కుక్క మాత్రం చల్లటి వాతావరణంలోనే నీటిలో నడుస్తూ ఆనందకరమైన క్షణాలను ఆస్వాదించింది.

సినిమాల్లో హీరోయిన్ వర్షంలో తడిసినట్లుగా ఇది బకెట్లతో కుమ్మరించిన వర్షంలో తడుస్తూ తన కంటే ఎవరూ సంతోషంగా ఉండలేరు అని చెప్పకనే చెప్పింది.