హమాస్ చెరలో 19 ఏళ్ల సైనికురాలు.. ఆమె మాటలు వింటుంటే గుండె తరుక్కుపోతుంది!

మూడున్నర నిమిషాల నిడివి ఉన్న వీడియోలో అల్బాగ్ తన వేదనను వ్యక్తం చేసింది."నేను 450 రోజులకు పైగా బందీగా ఉన్నాను.నాకు ఇంకా ఎంతో భవిష్యత్తు ఉంది, కానీ నా జీవితం ఇక్కడ ఆగిపోయింది," అంటూ కన్నీళ్లు పెట్టుకుంది.

ఇజ్రాయెల్ ప్రభుత్వం తమను పట్టించుకోవడం లేదని, అక్కడ నరకం అనుభవిస్తున్నామని ఆమె ఆవేదన వ్యక్తం చేసింది.హీబ్రూ భాషలో( Hebrew ) ఆమె మాట్లాడిన మాటలు వింటుంటే ఎవరికైనా గుండె తరుక్కుపోతుంది.

బిక్కుబిక్కుమంటూ ప్రాణాలు అరచేతిలో పెట్టుకుని బతుకుతున్న తమ పిల్లలను కాపాడాలంటూ లిరి కుటుంబం ప్రధాని బెంజమిన్ నెతన్యాహును వేడుకుంది.బందీలను తమ సొంత పిల్లలుగా భావించి, వారిని సురక్షితంగా వెనక్కి తీసుకురావడానికి అత్యవసర చర్యలు తీసుకోవాలని కన్నీటితో ప్రాధేయపడింది.