మరో ముహూర్తం ఫిక్స్‌

యంగ్‌టైగర్‌ ఎన్టీఆర్‌ ‘టెంపర్‌’ సినిమా పూర్తి అవ్వగానే సుకుమార్‌ దర్శకత్వంలో నటించాల్సి ఉంది.

కాని ఎప్పటిలాగే సుకుమార్‌ ఈ సినిమాను కూడా వాయిదాల మీద వాయిదాలు వేస్తూ వస్తున్నాడు.

ఇప్పటికే సగానికిపైగా షూటింగ్‌ పూర్తి కావాల్సిన ఈ సినిమాను ఇంకా ప్రారంభించనే లేదు.ముందుగా అనుకున్న దాని ప్రకారం మార్చిలో ఈ సినిమా ప్రారంభం కావాల్సి ఉంది.

ఆ తర్వాత ఏప్రిల్‌కు చిత్రీకరణ ప్రారంభోత్సవం వాయిదా వేశారు.ఆ తర్వాత మే చివరి వారంలో తప్పకుండా ఈ సినిమాను ప్రారంభిస్తామంటూ దర్శకుడు సుకుమార్‌ గట్టిగా చెప్పాడు.

అయితే మే కూడా పూర్తి అవ్వబోతుంది.దాంతో మేలో కూడా ఈ సినిమా లేదని తేలిపోయింది.

తాజాగా సినీ వర్గాల నుండి అందుతున్న సమాచారం ప్రకారం ఈ సినిమాను జూన్‌ 15న ప్రారంభించాలని సుకుమార్‌ నిర్ణయించినట్లుగా తెలుస్తోంది.ఇప్పటికే ఏర్పాట్లు చేసినట్లుగా సన్నిహితులకు చెబుతున్నాడు.

జూన్‌ 15న లండన్‌లో చిత్రీకరణ మొదలు పెట్టబోతున్నారు.ఈ సినిమాలో హీరోయిన్‌గా ఇప్పటికే రకుల్‌ ప్రీత్‌ సింగ్‌ను ఎంపిక చేయడం జరిగింది.

ఈ సినిమా మ్యూజిక్‌ సిట్టింగ్స్‌ కూడా పూర్తి అయ్యాయి.ఈ సినిమాను బివిఎస్‌ఎన్‌ ప్రసాద్‌ నిర్మిస్తున్నాడు.‘1’ సినిమా తర్వాత సుకుమార్‌ తెరకెక్కిస్తున్న సినిమా అవ్వడంతో స్క్రిప్ట్‌పై ఒకటి రెండు సార్లు ఫోకస్‌ పెడుతున్నారు.ఈ సినిమాకు ‘ప్రేమతో నాన్నకు’ అనే టైటిల్‌ను పరిశీలిస్తున్నట్లుగా తెలుస్తోంది.