ప్రపంచంలోనే అత్యంత ఖరీదైన నగరం ఏది అని ఎవరినైనా అడిగితే, ఠక్కున న్యూయార్క్‌ నగరం( New York City ) పేరు చెబుతారు.అన్ని విశేషతలు కలిగిన నగరం మరి.
ఎత్తయిన ఆకాశ హర్మాయాలకు పెట్టింది పేరు న్యూయార్క్‌.కాంక్రీటు జంగల్‌గా మారిన ఈ ఖరీదైన నగరం త్వరలో సముద్ర గర్భంలో మునిగిపోతుందని జియాలజిస్టులు జోష్యం చెబుతున్నారు.
భారీ నిర్మాణాలతో గుర్తింపు తెచ్చుకున్న ఆ నగరాన్ని ఇప్పుడు అవే ముంచబోతున్నాయని టాక్ వినబడుతోంది.
ఏటా 2 మిల్లీ మీటర్లు( 2 mm ) మేర కుంగిపోతోందని తాజా నివేదికలు చెబుతున్నాయి.ఇదేగాని కొనసాగితే రానున్న రోజుల్లో నగరం పూర్తిగా సముద్రంలో మునిగిపోవడం ఖాయమని అంటున్నారు నిపుణులు.సముద్రం పక్కనే ఉన్న భవనాలు ముందుగా మునిగిపోతాయని, ఈ విషయమై జనాలు అప్రమత్తంతో ఉండాలని నివేదికలో పేర్కొన్నారు.
ఈ నివేదిక న్యూయార్క్‌ వాసులను భయబ్రాంతులకు గురి చేస్తోంది.
అవును, న్యూయార్క్‌ నగరంలో భూమి అధిక బరువుతో తల్లడిల్లుతోంది.దీంతో భూమి పొరల్లో అనేక మార్పులు, చేర్పులు జరుగుతున్నాయి.ఫలితంగా ఏడాదికి 2 మిల్లీ మీటర్ల చొప్పున కుంగిపోతోంది.
శాటిలైట్‌ చిత్రాల్ని( Satellite images ) పోల్చి చూసినప్పుడు ఈ తేడా చాలా స్పష్టంగా తెలుస్తోంది.దిగువన ఉండే మాన్‌హాటన్‌∙వంటి ప్రాంతాలు చాలా త్వరగా క్షీణిస్తున్నాయని పరిశోధకులు చెబుతున్నారు.న్యూయార్క్‌ పోస్ట్‌ రిపోర్ట్‌ ప్రకారం, న్యూయార్క్‌లోని 10 లక్షల భవనాల బరువు 1.7 ట్రిలియన్‌ పౌండ్లు.యూనివర్స్శిటీ ఆఫ్‌ రోడ్‌ ఐలాండ్‌లోని యుఎస్‌ జియోలాజికల్‌ సర్వే, జియాలజిస్టులు కలిసి.ఈ లెక్కలు వేశారు.
