గాడ్ ఫాదర్ మూవీ హక్కులను అమ్మవద్దని చెప్పిన చిరంజీవి.. ఏమైందంటే?

మెగాస్టార్ చిరంజీవి నటించిన గాడ్ ఫాదర్ సినిమా వచ్చే నెల 5వ తేదీన థియేటర్లలో విడుదల కానున్న సంగతి తెలిసిందే.

లూసిఫర్ రీమేక్ గా తెరకెక్కి భారీ అంచనాలతో విడుదలవుతున్న ఈ సినిమా కోసం మెగా ఫ్యాన్స్ ఆసక్తిగా ఎదురుచూస్తున్నారు.

అయితే ఈ సినిమాను అడ్వాన్స్ ల మీద రిలీజ్ చేయాలని హక్కులను అమ్మవద్దని చిరంజీవి నిర్మాతలకు సూచించారని సమాచారం అందుతోంది.చిరంజీవి గత సినిమాలలో ఒకటైన సైరా నరసింహారెడ్డి సినిమాకు చరణ్ నిర్మాతగా వ్యవహరించగా ఈ సినిమాకు భారీ మొత్తంలో ఖర్చు కావడంతో నిర్మాతలకు నష్టాలు మిగిలాయనే సంగతి తెలిసిందే.

చిరంజీవి గత సినిమా ఆచార్య కూడా ప్రేక్షకుల అంచనాలను అందుకోలేకపోవడం వల్ల బాక్సాఫీస్ వద్ద ఫ్లాప్ రిజల్ట్ ను సొంతం చేసుకుంది.ఆచార్య సినిమా వల్ల బయ్యర్లు భారీ మొత్తంలో నష్టపోయారు.

రీఎంట్రీ తర్వాత చిరంజీవి మార్కెట్ ఎంతనే ప్రశ్నకు సరైన సమాధానం దొరకడం లేదు.ఈ కారణం వల్లే గాడ్ ఫాదర్ సినిమాను అడ్వాన్స్ ల మీద రిలీజ్ చేయాలని మెగాస్టార్ అనుకుంటున్నారు.