వ్యోమగాముల జీవన విధానం సవాళ్లు, సాహసాలతో కూడి ఉంటుంది.వారి జీవితం అంత సులభం కాదు.
అంతరిక్షం నుండి తిరిగి వచ్చిన తర్వాత, వారు సాధారణ జీవితాన్ని గడపవచ్చు.కానీ వారు అనేక ఆరోగ్య సంబంధిత సమస్యలను ఎదుర్కోవలసి వస్తుంది.
మానవ శరీరంపై మైక్రోగ్రావిటీ ప్రభావంపై ఒక పరిశోధన జరిగింది.దీని ప్రభావం రక్తనాళాల చుట్టూ ఉన్న ఖాళీ స్థలంపై పడుతుంది.
దీని నెట్వర్క్ మన మెదడు అంతటా వ్యాపించివుంటుంది.ఇవి వ్యోమగాములలో ఆందోళనకరమైన మార్పులను తీసుకువస్తుందని వెల్లడయ్యింది.అమెరికాలోని పరిశోధకులు.6 నెలల పాటు అంతర్జాతీయ అంతరిక్ష కేంద్రానికి వెళ్లిన 15 మంది వ్యోమగాముల మెదడుకు MRI స్కాన్లు నిర్వహించారు.ఒక MRI వారు అంతరిక్షంలోకి వెళ్ళే ముందు మరియు మరొకటి తిరిగి వచ్చిన తర్వాత చేశారు.ఆ తర్వాత వాటిని సరిపోల్చారు.
సైంటిఫిక్ రిపోర్ట్స్లో ప్రచురించబడిన ఈ పరిశోధన ప్రకారం, పరిశోధకులు పెరివాస్కులర్ ఖాళీలను అంచనా వేశారు.
ఇది మెదడు కణజాలం మధ్య కనిపించే ఖాళీ.
అంతరిక్షంలో గడిపిన సమయంలో మెదడు ప్లంబింగ్పై తీవ్ర ప్రభావాన్ని చూపుతుందని కనుగొన్నారు.మొదటిసారి అంతరిక్షంలోకి వెళ్లే వ్యోమగాముల్లో ఈ ప్రభావం ఎక్కువగా కనిపించింది.
అనుభవజ్ఞులైన వ్యోమగాములలో, రెండు ప్రీ-మిషన్ స్కాన్లు, నాలుగు పోస్ట్-మిషన్ స్కాన్లలో పెరివాస్కులర్ స్పేస్ పరిమాణంలో కొద్దిగా తేడా ఉంది.ఓరెగాన్ హెల్త్ & సైన్స్ యూనివర్సిటీకి చెందిన న్యూరాలజిస్ట్ జువాన్ పియాంటినో దీనిగురించి మాట్లాడుతూ, అనుభవజ్ఞులైన వ్యోమగాములు తప్పనిసరిగా ఏదో ఒక రకమైన హోమియోస్టాసిస్కు చేరుకున్నారని చెప్పారు.
(హోమియోస్టాసిస్ అనేది స్వీయ-నియంత్రణ ప్రక్రియ, దీని ద్వారా జీవ వ్యవస్థలు బాహ్య పరిస్థితులకు సర్దుబాటు చేస్తూ స్థిరత్వాన్ని కలిగి ఉంటాయి) గురుత్వాకర్షణ పోయినప్పుడు మెదడు ఎలా మారుతుందో శాస్త్రవేత్తలు ఇప్పటికే గుర్తించారు.మెదడు కణజాలం, వాటి ద్రవ పరిమాణంపై చేసిన పరిశోధనలో వారు కోలుకోవడానికి సమయం పడుతుందని కనుగొన్నారు, కొన్ని మార్పులు ఒక సంవత్సరం లేదా అంతకంటే ఎక్కువ కాలం ఉంటాయని వెల్లడయ్యింది.
