‘విజేత’ను గెలుకుతున్న అల్లు అరవింద్‌?

‘విజేత’ రషెష్‌ చూసిన అల్లు అరవింద్‌ కొన్ని ముఖ్య సీన్స్‌కు రీ షూట్‌ ఆదేశించినట్లుగా తెలుస్తోంది.రెండు వారాల పాటు ఆ రీ షూట్‌ కార్యక్రమాలు జరిగాయి.అలాగే ఒక పాట పూర్తిగా రీ షూట్‌ చేయబోతున్నారు.

పాట నేపథ్యంకు, అది తీసిన లొకేషన్స్‌కు ఏమాత్రం సెట్‌ కాలేదని, మరోసారి సినిమాలోని ఆ పాటను తీయాలని అల్లు అరవింద్‌ ఆదేశించాడు.దాంతో ప్రస్తుతం ఆ పనిలో దర్శకుడు శశి ఉన్నాడు.

అంతా పూర్తి అయ్యి, డబ్బింగ్‌ కూడా మొదలు పెట్టిన సమయంలో ఇలా రీ షూట్‌ల పేరుతో విసిగిస్తున్నారు అంటూ మెగా ఫ్యామిలీపై సన్నిహితుల వద్ద రాకేష్‌ శశి ఆవేదన వ్యక్తం చేసినట్లుగా తెలుస్తోంది.మెగా ఫ్యామిలీ నుండి ఏ హీరో సినిమా వస్తున్నా కూడా ఇలాంటివి జరగడం చాలా కామన్‌.

ఇక ముఖ్యంగా చిరంజీవి చిన్నల్లుడి సినిమా అవ్వడంతో పాటు, ఆయన మొదటి సినిమా అవ్వడం వల్ల మరింతగా జాగ్రత్తలు తీసుకుంటున్నారు.కళ్యాణ్‌కు మొదటి సినిమాతోనే మంచి సక్సెస్‌ను ఇవ్వాలనే ఉద్దేశ్యంతో అల్లు అరవింద్‌ రంగంలోకి దిగాడు.

త్వరలోనే ఈ చిత్రంకు సంబంధించిన షూటింగ్‌ కార్యక్రమాలు పూర్తి చేసి, మిగిలి ఉన్న పోస్ట్‌ ప్రొడక్షన్‌ వర్క్‌ను పూర్తి చేయబోతున్నారు.కళ్యాణ్‌ హీరోగా సక్సెస్‌ అయితే మెగా ఫ్యామిలీకి టాలీవుడ్‌లో మరింత తిరుగులేకుండా పోతుంది.

అయితే కళ్యాణ్‌ తన బావమర్ది రామ్‌ చరణ్‌ మాదిరిగా సక్సెస్‌ అవుతాడా లేదంటే అల్లు శిరీష్‌ మాదిరిగా ఒక సోసో హీరోగానే మిగిలి పోతాడా అనేది చూడాలి.మొదటి సినిమా సక్సెస్‌ అయితే ఖచ్చితంగా మంచి భవిష్యత్తు ఉంటుంది.

మెగా ఫ్యాన్స్‌ మాత్రం కళ్యాణ్‌పై చాలా ఆశలు పెట్టుకుని ఉన్నారు.పవన్‌ కళ్యాణ్‌ పేరు కలిసే విధంగా ఉండటం ఈయనకు కలిసి వచ్చే అంశం అంటున్నారు.