బిజెపి మహిళా బిల్లును ప్రయోగించబోతుందా?

చట్టసభల్లో మహిళలకు 33 శాతం రిజర్వేషన్ ఇవ్వాలన్న బిల్లు గత 25 సంవత్సరాలుగా పార్లమెంట్ లో మగ్గిపోతుంది.

అనేక ప్రభుత్వాలు మారినప్పటికీ ఈ బిల్లుకి మోక్షం మాత్రం కలగడం లేదు .

పార్టీలకి చిత్తశుద్ధి లేకపోవడం ఒక కారణం అయితే దీనిపై బలం గా పోరాడే స్పూర్తి కూడా మహిళా లోకం లో కనిపించక పోవడం మరో కారణం .అయితే ఎట్ట కెలకు ఈ బిల్లు కి మోక్షం వచ్చే పరిస్థితులు కనిపిస్తున్నాయి .2024 ఎన్నికల( 2024 elections ) కి ఒక బలమైన ప్రచార అస్త్రం కోసం వెతుకుతున్న బజాపా ఇప్పుడు మహిళా బిల్లుని భుజానికి ఎత్తుకోబోతున్నట్టుగా తెలుస్తుంది .ఇప్పటి వరకూ నామమాత్రంగా మహిళలకు సీట్లను కేటాయిస్తూనే అన్ని పార్టీలు బండ్లు లాగిస్తున్నాయి.నిజానికి ఆయా స్థానాలలో కూడా పేరుకు మహిళా అభ్యర్థులను నిలబెట్టి తెర వెనుక వారి తండ్రి లేదా బర్త చక్రం తిప్పుతున్న వాతావరణం భారత దేశ మంతా కనిపిస్తుంది.