పక్షులు, కుక్కలు తరచుగా నీటిలో స్నానం చేయడాన్ని చూసే ఉంటాం.కానీ పిల్లులు నీటికి అంత దూరం ఎందుకు ఉంటాయోనని మీరు ఎప్పుడైనా ఆలోచించారా? చాలా మంది శాస్త్రవేత్తలు పిల్లులకున్న ఈ స్వభావంపై పరిశోధనలు చేశారు.ఎన్సైక్లోపీడియా బ్రిటానికా నివేదిక ప్రకారం, పిల్లులు ఇలా చేయడానికి కారణం వాటి పుట్టుక అని శాస్త్రవేత్తల సిద్ధాంతం చెబుతోంది.పూర్వకాలంలో అవి పొడి వాతావరణం ఉండే ప్రదేశాలలో జన్మించేవట.
అక్కడ నీటి లభ్యత అంతంత మాత్రంగానే ఉండేది.అంటే, మొదటి నుండి వాటికి తడిసేందుకు నది లేదా చెరువు అందుబాటులో ఉండేది కాదట.
అందుకే ఇలా చేస్తుంటాయట.పిల్లులు చాలా కాలం పాటు పొడి వాతావరణంలో నివసించడం కారణంగా క్రమంగా అది దాని స్వభావంలో చేరిపోయింది.
ఈ స్వభావం పిల్లుల జన్యువులలో అభివృద్ధి చెందింది.తరువాత అది వాటి తరాలకు అందింది.
దీనికి తోడు పిల్లులకు బొచ్చుతో కూడిన చర్మం ఉండటం కారణంగా అవి తడిదన్నాన్ని ఇష్టపడవట.
అయితే నీటితో అలాంటి సమస్య లేని కొన్ని ఎంపిక చేసిన జాతుల పిల్లులు కూడా ఉన్నాయి.అవి నీటికి అంతగా భయపడవు.వీటిలో మాన్కూన్, టర్కిష్ వ్యాన్ రకాలు ఉన్నాయి.
ఇవి నీటికి అంతగా భయపడవు.ఈ విషయాలను గుర్తుంచుకుని…మీరు పిల్లులను పెంచుకునేవారైతే.
పిల్లులు నీటిని చూసి పారిపోతున్నప్పుడు వాటిని పట్టుకుని బలవంతంగా స్నానం చేయకూడదని గుర్తుంచుకోండి.