ఇంతకీ తెలుగు ఇండస్ట్రీ అసలు పెద్దన్న ఎవరు?

ఇండస్ట్రీకి పెద్ద ఎవరు.ఇదే ఇప్పుడు టాలీవుడ్ లో హాట్ టాపిక్.

ప్రేక్షకుల దగ్గర నుంచి సినీప్రముఖుల వరకు అందరూ దీని గురించే చర్చించుకుంటున్నారు.

మొన్నటి వరకు సినిమాల విడుదల గురించి చర్చించుకున్నారు ఇప్పుడు మాత్రం ఇండస్ట్రీ పెద్ద ఎవరు అన్న దాని గురించి ఆలోచిస్తున్నారు.

మొన్నటి వరకు ఇండస్ట్రీ పెద్ద ఎవరు అనగానే ప్రేక్షకుల దగ్గర నుంచి సినీప్రముఖుల వరకు అందరూ ఠక్కున చెప్పే వారు మెగాస్టార్ చిరంజీవి అని.కానీ ప్రస్తుత పరిణామాల నేపథ్యంలో ఇండస్ట్రీ పెద్ద ఎవరు అంటే నోరు మెదపడానికి కూడా భయపడిపోతున్నారు సినీ ప్రముఖులు.

కారణం మీరే ఇండస్ట్రీ పెద్దగా ఉండాలి అంటూ ఇటీవలే కార్మికులు కోరిన సమయంలో.నాకు అలాంటి పదవిపై ఆసక్తి లేదని.

ఎలాంటి వివాదాలలోజోలికి పోవాలి అనుకోవట్లేదు అంటూ తెగేసి చెప్పేశారు మెగాస్టార్ చిరంజీవి.ఇక అంతలోనే మంచు మోహన్ బాబు సైతం కేవలం నలుగురు హీరోలు నలుగురు నిర్మాతలు కలిసి సినిమా పరిశ్రమ కాదు అంటూ సంచలన స్టేట్మెంట్ విడుదల చేశారు.

దీంతో ఇండస్ట్రీ పెద్ద ఎవరు అన్న వివాదం మరింత ముదిరింది.అయితే కరోనా వైరస్ క్రైసిస్ సమయంలో సినీ కార్మికులు అందరికీఅండగా నిలిచింది మెగాస్టార్ చిరంజీవి అని చెప్పాలి.

ఒకప్పుడు దాసరి నారాయణరావు 24క్రాఫ్ట్ లలో ఉన్న కార్మికులందరికీ ఎలాంటి సమస్య వచ్చినా ముందుండి పరిష్కరించారు.టాలీవుడ్ బాధ్యతలను భుజాన వేసుకుని ముందుకు నడిచారు.

ఇక దాసరి మరణానంతరం ఆ బాధ్యతలు అన్నిటిని కూడా మెగాస్టార్ చిరంజీవి తీసుకున్నట్లు గానే కనిపించింది.