డెమొక్రాటిక్ నేషనల్ కన్వెన్షన్‌లో అరుదైన ఘటన.. వేద మంత్రాలతో ప్రారంభమైన సభ, ఆ పూజారి ఎవరు..?

అమెరికా ఐక్యతను కోరుతూ రాకేష్ భట్( Rakesh Bhatt ) సంస్కృత శ్లోకాలు, మంత్రాలు పఠిస్తూ భగవంతుడి ఆశీర్వచనాలు కోరారు.ఇలా హిందూ సాంప్రదాయంలో సమావేశాన్ని ప్రారంభించడం డెమొక్రాటిక్ పార్టీ హిస్టరీలో ఇదే తొలిసారి.మేరీల్యాండ్‌లోని శ్రీ శివ విష్ణు ఆలయంలో పూజారిగా రాకేష్ భట్ విధులు నిర్వర్తిస్తున్నారు.

ఉడిపి అష్ట మఠానికి చెందిన పెజావర్ స్వామిజీ వద్ద ఆయన శిష్యరికం చేశారు.ఉడిపిలో కొన్నేళ్లు పనిచేసిన తర్వాత భారత్‌లోని ప్రముఖ ఆలయాలైన బద్రీనాథ్, రాఘవేంద్ర స్వామి కోయిల్, సేలంలో పనిచేశారు.2013 జూలైలో మేరీల్యాండ్‌లోని శ్రీ శివ విష్ణు ఆలయంలో చేరారు.తెలుగు, తమిళ, కన్నడ, తుళు, హిందీ, ఇంగ్లీష్ , సంస్కృతంలో రాకేష్ భట్ అనర్గళంగా మాట్లాడగలరు.

భారతీయ సాంస్కృతిక, ఆధ్యాత్మిక సాంప్రదాయాలకు ఇంతటి ప్రతిష్టాత్మక వేదికపై గౌరవం లభించడం ఆనందంగా ఉందని హిందూ అమెరికన్లు చెబుతున్నారు.