AP BJP : ఏపీ బీజేపీలో ఏంటీ కన్ఫ్యూజన్ ? అభ్యర్థులే దొరకడం లేదా ?

ఇప్పటికే టిడిపి, జనసేన, వైసీపీలు తమ పార్టీ తరఫున పోటీ చేయబోయే అభ్యర్థుల జాబితాను దాదాపుగా ప్రకటించేశాయి.

కానీ టిడిపి, జనసేనతో( TDP, Jana Sena ) పొత్తు పెట్టుకుని పొత్తులో భాగంగా 10 అసెంబ్లీ, ఆరు లోక్ సభ స్థానాలను తీసుకున్న బిజెపి మాత్రం ఇంకా తమ అభ్యర్థులను ప్రకటించే విషయంలో నాన్చివేత ధోరణిని అవలంబిస్తోంది.

అభ్యర్థుల ప్రకటన పూర్తయితే, వారు ఎన్నికల ప్రచారం నిర్వహించేందుకు అవకాశం ఉంటుంది.కానీ బిజెపి అగ్ర నేతలు మాత్రం అభ్యర్థులను ఫైనల్ చేసే విషయంలో పట్టించుకోనట్టుగానే వ్యవహరిస్తున్నారు.

పొత్తులో భాగంగా బిజెపి తీసుకున్న సీట్ల విషయంలో ఒక క్లారిటీ వచ్చినా, ఏ ఏ స్థానాల నుంచి పోటీ చేస్తారనే విషయంలో సరైన క్లారిటీ ఆ పార్టీ నేతలకు రావడం లేదు.పొత్తులో భాగంగా టిడిపి, జనసేన కేటాయించిన సీట్లలో బిజెపి బాగా బలహీనంగా ఉందని, గెలుపు అవకాశాలు తక్కువగా ఉన్నాయనే అభిప్రాయాలు ఆ పార్టీ నేతల్లోనే కలుగుతున్నాయి.

బిజెపి మొదటి నుంచీ పోటీ చేసేందుకు ఉత్సాహం చూపిస్తున్న చాలా నియోజకవర్గాల్లో టిడిపి తమ అభ్యర్థులను ప్రకటించింది.