కార్తిక పూర్ణిమకు గల విశిష్టత ఏమిటి.. ఆ రోజున దంపతులు సరిగంగా స్నానం చేస్తే ఏమవుతుందో తెలుసా..?

కార్తీక పౌర్ణమి రోజు వెన్నెలలో పాలు కాస్తే ఆ పాలు అమృత అవుతాయని చాలామంది ప్రజలు నమ్ముతారు.అందుకే పూర్వకాలంలో కార్తీక పౌర్ణమి ( Karthika Pournami )వెలుగులో పోయి వెలిగించి పాలను మిర్యాలతో పాటు కాచి తాగేవారు.కార్తీక పౌర్ణమి రోజు ఆకాశంలో చంద్రుడి నిండైన రూపంతో పాటు దానికి అతిచేరువలోనే దేవతల గురువైన బృహస్పతి కూడా కనిపిస్తాడని పండితులు చెబుతున్నారు.

ఆ గురు శిష్యులకి భక్తితో నమస్కరిస్తే సకల శుభాలు కలుగుతాయని పురాణాలలో ఉంది.ఇంకా చెప్పాలంటే తులా సంక్రమణం జరుగుతున్న కార్తీకమాస సమయంలో శ్రీమహావిష్ణువు ప్రతి నీటి బొట్టులో వ్యాప్తి చెంది ఉంటాడని పండితులు చెబుతున్నారు.

అందుకే ఈ నెలలో ఒకసారి అయినా నది స్నానం ఆచరిస్తే విశేష పుణ్యఫలం లభిస్తుందని కూడా చెబుతున్నారు.ప్రత్యేకంగా పౌర్ణమి రోజు ప్రాతఃకాలంలో దంపతులు సరిగంగ స్నానాలు చేస్తే ఆ దంపతులు శివకేశవుల అనుగ్రహాన్ని పొందుతారని కూడా చెబుతున్నారు.