షాక్‌.. ట్యాక్సీవాలా కూడా లీక్‌, కేసు నమోదు

ట్యాక్సీవాలా చిత్రం ఇంకా ఎడిటింగ్‌ను కూడా పూర్తి చేసుకోలేదు.ఇంతలోనే సినిమాకు సంబంధించిన వీడియో గూగుల్‌ డ్రైవ్‌ ద్వారా లీక్‌ అయినట్లుగా చిత్ర యూనిట్‌ సభ్యులు గుర్తించారు.వెంటనే సైబర్‌ క్రైమ్‌ పోలీసులకు ఫిర్యాదు చేసిన చిత్ర యూనిట్‌ సభ్యులు నష్ట నివారణ చర్యలు తీసుకుంటున్నారు.

గీత గోవిందం చిత్రంకు వ్యవహరించినట్లుగా వెంటనే వీడియోను డిలీట్‌ చేయించేందుకు ప్రయత్నాలు చేశారు.దాంతో పాటు చిత్ర యూనిట్‌ సభ్యులు సదరు వ్యక్తులపై కేసు నమోదు చేశారు.

‘ట్యాక్సీవాలా’ చిత్రానికి సంబంధించిన వీడియోలు గూగుల్‌ డ్రైవ్‌లో రెల్ల కమల్‌, భార్గవ్‌, బీఆర్‌ల పేర్లతో షేర్‌ అవుతున్నట్లుగా పోలీసులు గుర్తించారు.ప్రస్తుతం వారు ఎవరు, ఎందుకు ఈ పనులు చేస్తున్నారు అంటూ గుర్తించేందుకు పోలీసులు విచారణ జరుపుతున్నారు.

త్వరలోనే పోలీసులు వారిని అదుపులోకి తీసుకునే అవకాశం ఉంటుందని తెలుస్తోంది.