Vijay Devarakonda : కుర్ర దర్శకులకు వరసగా గ్రీన్ సిగ్నల్ ఇస్తున్న విజయ్ దేవరకొండ ..ప్లాన్నింగ్ అదుర్స్ !

లైగర్ సినిమా పరాజయం పూర్తిగా విజయ్ దేవరకొండ( Vijay Devarakonda ) ప్లానింగ్ నే మార్చేసింది.

పూరి జగన్నాథ్ విజయ్ దేవరకొండ కాంబినేషన్లో వచ్చిన ఈ చిత్రం ప్రేక్షకుల ముందు బొక్క బోర్లా పడటంతో ఈ సారి ప్లాన్ చేస్తే అది ఖచ్చితంగా విజయం సాధించి తీరాలని భావించాడో ఏమో తెలియదు కానీ సీనియర్ దర్శకులను పక్కన పెట్టాలని నిర్ణయానికి వచ్చినట్టుగా తెలుస్తోంది.

సుకుమార్, కొరటాల శివ ( Sukumar, Koratala Shiva )లాంటి దర్శకులు విజయ్ దేవరకొండ తో సినిమా చేయాలని ఉందని పబ్లిక్ గా అనౌన్స్ చేశాక కూడా వారిని విజయ్ పట్టించుకోవడం లేదు.లైగర్ సినిమా తర్వాత ఖుషి చిత్రంతో విజయ్ దేవరకొండ పర్వాలేదనిపించాడు.

ఇక ఇప్పుడు ఫ్యామిలీ స్టార్ అనే సినిమాతో ఏప్రిల్ 5న ప్రేక్షకుల ముందుకు మరోసారి రానున్నాడు విజయ్ దేవరకొండ.ఈ చిత్రంలో మృణాల్ ఠాకూర్ హీరోయిన్ గా నటిస్తుండగా దిల్ రాజు ఈ చిత్రాన్ని నిర్మిస్తున్నాడు.

పరశురాం( Parasuram ) ఈ చిత్రానికి దర్శకత్వం వహించాడు అన్న విషయం మనకు తెలిసిందే.