ఏందిది.. లగ్జరీ బ్యాగులు పక్కన పెట్టేసి.. బాస్మతి బియ్యం సంచులను వాడుతున్న అమెరికన్లు..

లగ్జరీ హ్యాండ్‌బ్యాగులకు బైబై చెప్పే టైమ్ వచ్చేసిందా? అంటే పాజిటివ్ గానే ఆన్సర్ వినిపిస్తోంది.ఇప్పుడు సోషల్ మీడియాలో ఒక వింత ట్రెండ్ వైరల్ అవుతోంది.

అదేంటంటే, బాస్మతి బియ్యం బస్తాలతో( Basmati Rice Bag ) చేసిన బ్యాగులు! అవును, మీరు విన్నది నిజమే.ఇప్పుడు ఇది ఒక రకంగా ఫ్యాషన్ స్టేట్‌మెంట్‌గా మారింది.

అమెరికాలో ఒక మహిళ బాస్మతి బియ్యం బస్తాతో చేసిన టోట్ బ్యాగ్‌తో( Tote Bag ) కనిపించడంతో ఈ ట్రెండ్ ఒక్కసారిగా అందరి దృష్టిని ఆకర్షించింది.ఒక ఇన్‌స్టాగ్రామ్‌ వీడియోతో ఈ విషయం వెలుగులోకి వచ్చింది.

వీడియో తీసిన వ్యక్తి మొదట ఖరీదైన హ్యాండ్‌బ్యాగులు వాడుతున్న వారిని చూపిస్తూ, ఆ తర్వాత కెమెరాను వెనక్కి తిప్పగా ఒక మహిళ బాస్మతి బియ్యం బస్తాతో చేసిన బ్యాగ్‌తో కనిపించింది.దాంతో వీడియో తీసిన వ్యక్తి ఆశ్చర్యపోతూ, డిజైనర్ బ్యాగుల హవా నడుస్తున్న ఈ రోజుల్లో ఇలా బియ్యం బస్తాతో చేసిన బ్యాగ్ వాడటం చాలా కొత్తగా ఉందని కామెంట్ చేశారు.

అంతేకాదు, ఈ బ్యాగులు ఇండియాలో చాలా చౌకగా దొరుకుతాయని, ఎవరైనా కావాలనుకుంటే సులభంగా తెప్పించుకోవచ్చని కూడా చెప్పారు.దీంతో ఈ వీడియో సోషల్ మీడియాలో వైరల్ అయింది.