అమెరికా : స్కూళ్లలోకి టీచర్లు హ్యాండ్‌ గన్ తీసుకెళ్లేలా .. కీలక బిల్లుకు టెన్నెస్సీ ఆమోదం

అగ్రరాజ్యం అమెరికాలో గన్ కల్చర్( Gun Culture in America ) గురించి ప్రత్యేకంగా చెప్పక్కర్లేదు.నగదు, నగలు కోసం హత్యలు చేసేవారు కొందరైతే.

జాతి, వర్ణ వివక్షలతో ఉన్మాదులుగా మారేవారు మరికొందరు.ఏది ఏమైనా అక్కడ గన్ కల్చర్ వల్ల ఏటా వేలాది మంది అమాయకులు ప్రాణాలు కోల్పోతున్నారు.

దీనికి చెక్ పెట్టాలని ప్రభుత్వాలు కృషి చేస్తున్నా.శక్తివంతమైన గన్ లాబీ ఈ ప్రయత్నాలను అడ్డుకుంటోందన్న వాదనలు వున్నాయి.

ఇక తుపాకీ కాల్పుల్లో భారతీయులు కూడా పెద్ద సంఖ్యలో మరణిస్తున్నారు.ఇదిలావుండగా అమెరికాలోని టెన్నెస్సీ ( Tennessee )రాష్ట్రం పాఠశాల ఉపాధ్యాయులు , సిబ్బంది హ్యాండ్ గన్‌లను తీసుకెళ్లడానికి అనుమతించే బిల్‌ను ఆమోదించింది.

నాష్‌విల్లేలో జరిగిన కాల్పుల ఘటనలో ఆరుగురి ప్రాణాలను బలిగొన్న సరిగ్గా ఏడాది తర్వాత బిల్లు తుది ఆమోదం కోసం గవర్నర్‌కు పంపబడుతుంది.టెన్నెస్సీ హౌస్ 68-28 తేడాతో చట్టానికి అనుకూలంగా ఓటు వేసింది.

అయితే ఈ బిల్లును వ్యతిరేకించిన డెమొక్రాట్లకు నలుగురు రిపబ్లికన్ సభ్యులు మద్ధతు పలికారు.అయినప్పటికీ రిపబ్లికన్ల ఆధిపత్యం వున్న స్టేట్ సెనేట్ ఈ నెల ప్రారంభంలో బిల్లును ఆమోదించింది.