అక్కడ ఫ్రీ ఎమర్జెన్సీ కేర్ సెంటర్ ప్రారంభించిన ఉపాసన.. ఎంతో సంతోషంగా ఉందంటూ?

టాలీవుడ్ స్టార్ హీరో రామ్ చరణ్ ( Hero Ram Charan )భార్య ఉపాసన ( upasana )గురించి ప్రత్యేకంగా పరిచయం చేయాల్సిన అవసరం లేదు.

ఉపాసన సోషల్ మీడియాలో సైతం యాక్టివ్ గా ఉంటారనే సంగతి తెలిసిందే.

ఉపాసన తాజా పోస్ట్ లో అవసరమైన వారికి సానుభూతి, గౌరవంతో వైద్యం అందించడమే మాకు నిజమైన సనాతన ధర్మం అని తాతయ్య నేర్పించారని ఉపాసన చెప్పుకొచ్చారు.తాతయ్య మాటల నుంచి మేము స్పూర్తి పొందామని ఉపాసన తెలిపారు.

అయోధ్య రామ మందిరం దగ్గర తాజాగా ఫ్రీ ఎమర్జెన్సీ కేర్ సెంటర్ ( Free Emergency Care Center )ను ప్రారంభించామని ఉపాసన కామెంట్లు చేశారు.తిరుమల, శ్రీశైలం, బద్రీనాథ్, కేదార్ నాథ్ లలో సైతం విజయవంతంగా ఈ సెంటర్లు ఏర్పాటు చేశామని ఉపాసన అన్నారు.

ఇప్పుడు రామ జన్మభూమిలో దీనిని ప్రారంభించడం ఎంతో సంతోషంగా ఉందని ఉపాసన కామెంట్లు చేశారు.ఈ విషయంలో మాకు సపోర్ట్ చేసిన ప్రతి ఒక్కరికీ నా కృతజ్ఞతలు అని ఆమె తెలిపారు.