షాకింగ్: టీవీ స్టార్‌ను రేప్ చేసి మర్డర్ చేద్దామనుకున్న యూకే సెక్యూరిటీ గార్డ్..??

సాధారణంగా సినీ, టీవీ నటులు, యాంకర్లపై కొంతమంది చాలా అభిమానం పెంచుకుంటారు.

వారిని కలవాలని, వారితో ఫోటోలు దిగాలని, వారి ఇంటికి వెళ్లి కాసేపు సమయం గడపాలని కూడా కలలు కంటారు.అయితే 37 ఏళ్ల గావిన్ ప్లంబ్ అనే వ్యక్తి అభిమానం మాత్రం పీక్ స్టేజ్ కి చేరుకుంది.అతడు పాపులర్ బ్రిటిష్ టీవీ సెలబ్రిటీ హాలీ విల్లోబీని కిడ్నాప్ చేసి, అత్యాచారం చేసి, హత్య చేయాలని కుట్ర పన్నాడు.

ఈ ఆరోపణలతో అతడిని అరెస్టు కూడా చేశారు.చెల్మ్స్‌ఫోర్డ్ క్రౌన్ కోర్టులో( Chelmsford Crown Court ) జరిగిన విచారణలో గావిన్ ఈ ప్లాన్ చేసినట్లు వెళ్లడైంది.

గావిన్ ఒక షాపింగ్ మాల్‌లో సెక్యూరిటీ గార్డ్‌గా పనిచేస్తున్నాడు.టీవీ ప్రెసెంటర్‌ హాలీ విల్లోబీని ( Holly Willoughby )కిడ్నాప్ చేయడానికి ఒక వివరణాత్మక ప్రణాళికను రూపొందించాడని అతనిపై ఆరోపణలు ఉన్నాయి.

అతను "కిడ్నాప్, రిస్ట్రైంట్ కిట్"ను కూడా సేకరించాడని, ఈ నేరాన్ని చేయడానికి సహాయం చేయడానికి మరొక వ్యక్తిని యూఎస్ నుంచి యూకేకు రావాలని ఆన్‌లైన్‌లో ప్రోత్సహించాడని తెలుస్తోంది.విచారణ సమయంలో, గావిన్ హాలీ విల్లోబీని కిడ్నాప్ చేసి బంధించడం తన కల అని అంగీకరించినట్లు తెలుస్తోంది.

అయితే, అతను అన్ని ఆరోపణలను ఖండించాడు.గావిన్ ప్లాన్లు కేవలం ఒక పిచ్చివాడి కలలు కాదని, చాలా జాగ్రత్తగా రూపొందించబడ్డాయని ప్రాసిక్యూటర్ వాదించారు.

కాలక్రమేణా, హాలీ విల్లోబీపై గావిన్ ప్లంబ్‌కు పిచ్చి పెరిగిపోయిందని, ఆమెను ఇంటి నుంచి కిడ్నాప్ చేసి, ఎక్కడికో తీసుకెళ్లి, అనేక సార్లు అత్యాచారం చేసి చివరకు చంపేయాలని అతడు నిజంగానే అనుకుంటున్నాడని తెలిపారు.