యూకేలో భారతీయ టెక్కీకి 15 రోజుల క్రిస్మస్ సెలవులు.. ఇండియాలో ఇంటర్నెట్ షేక్

క్రిస్మస్, న్యూ ఇయర్ సెలవుల గురించి భారత సంతతి టెక్కీ చేసిన ట్వీట్ దేశంలోని 365 రోజుల పని సంస్కృతిపై భారత్‌లో తీవ్ర చర్చనీయాంశమైంది.

సదరు టెక్కీని వివేక్ పంచాల్‌గా( Vivek Panchal ) గుర్తించారు.

యూకే( UK ) కేంద్రంగా ఉన్న కంపెనీలో పనిచేయడం వల్ల కలిగే ప్రయోజనాలు అనే క్యాప్షన్‌తో చేసిన ఈ ట్వీట్‌లో పలు స్క్రీన్‌ షాట్లు పోస్ట్ చేశారు.క్రిస్మస్,( Christmas ) న్యూఇయర్‌కు( New Year ) కలిపి డిసెంబర్ 23 నుంచి జనవరి 6 వరకు తమ కంపెనీ సెలవులు ఇచ్చినట్లుగా అతను తెలిపాడు.

పని సంస్కృతులు, సెలవుల ఆవశ్యకత, పని దినాల విషయానికి వస్తే భారత్- ఇతర దేశాల మధ్య వ్యత్యాసంపై ఈ పోస్ట్ హాట్ టాపిక్‌గా మారింది.ఈ పోస్ట్ 5,00,000కు పైగా ఇంప్రెషన్‌లను పొందింది.

దీనికి పలువురు నెటిజన్లు రకరకాలుగా కామెంట్స్ పెడుతున్నారు.భారత్( India ) సహా కొన్ని ఆసియా దేశాలు మాత్రమే క్లయింట్ వైఖరిని అనుసరిస్తున్నాయి.

మెజారిటీ కంపెనీలు 24x7, 365 రోజుల పని వ్యూహాన్ని అమలు చేస్తున్నాయని ఓ యూజర్ కామెంట్ పెట్టాడు.