ప్రవాసీ భారతీయ దివస్ 2025కు ముఖ్య అతిథి ఎవరంటే?

జనవరి 8 నుంచి 10 వరకు ఒడిషా రాజధాని భువనేశ్వర్‌లో జరగనున్న 18వ ప్రవాసీ భారతీయ దివస్‌కు( 18th Pravasi Bharatiya Divas ) ముఖ్య అతిథిగా ట్రినిడాడ్ అండ్ టుబాగో( Trinidad And Tobago ) అధ్యక్షురాలు క్రిస్టెన్ కాంగాలూ( President Christine Kangaloo ) హాజరుకానున్నారు.

ఈ కార్యక్రమంతో పాటు చందకలోని గొడిబారి ప్రభుత్వ పాఠశాల విద్యార్ధులతోనూ ఆమె ముఖాముఖి నిర్వహించనున్నారు.

ఒడిషా సీఎం మోహన్ మాఝీ అధ్యక్షతన జరిగిన ఉన్నత స్థాయి సమీక్షా సమావేశంలో ఈ మేరకు నిర్ణయం తీసుకున్నారు.ప్రవాసీ భారతీయ దివస్‌కు ప్రధాని నరేంద్ర మోడీతో( PM Narendra Modi ) పాటు కేంద్ర విదేశాంగ శాఖ మంత్రి డాక్టర్ ఎస్ జైశంకర్, ఆర్ధిక మంత్రి నిర్మలా సీతారామన్, సాంస్కృతిక శాఖ మంత్రి గజేంద్ర సింగ్ షెకావత్ హాజరుకానున్నారు.

ఇదే కార్యక్రమంలో ప్రవాసీ భారతీయ ఎక్స్‌ప్రెస్‌ను నరేంద్రమోడీ ప్రారంభించనున్నారు.