పోలీస్ స్టేషన్‌కే కన్నం వేసిన దొంగలు.. ఏం కొట్టేసారో తెలిస్తే..

సాధారణంగా పోలీస్ స్టేషన్‌లో కట్టుదిట్టమైన భద్రత ఉంటుంది.దొంగలు అటువైపుకి వెళ్లాలంటేనే భయపడతారు.

కానీ తాజాగా కొందరు దొంగలు ఏకంగా ఒక పోలీస్ స్టేషన్ కే కన్నం వేశారు.స్టేషన్‌లో పోలీసులు ఉండగానే ఈ దొంగతనం జరగడం తెలిసి అందరూ నోరెళ్లబెడుతున్నారు.

వివరాల్లోకి వెళితే, శుక్రవారం రాత్రి బీహార్‌లోని( Bihar ) ముజఫర్‌నగర్ పోలీస్ స్టేషన్‌లోకి దొంగలు చొరబడి మద్యం బాటిళ్లను ఎత్తుకెళ్లారు.స్టేషన్‌లోని ఓ చోట పోలీసులు బిజీబిజీగా ఉండి దొంగతనాన్ని గమనించలేదు.అదే అదునుగా భావించి ఐదు బాక్సులు, మద్యం బాటిళ్ల బ్యాగును దొంగలు ఎత్తుకెళ్లారు.2016లో బీహార్‌ ప్రభుత్వం మద్యం అమ్మకాలు, వినియోగాన్ని బ్యాన్ చేసింది.అప్పటినుంచి పోలీసులు తరచుగా అక్రమంగా తరలిస్తున్న మద్యాన్ని( Liquor ) స్వాధీనం చేసుకుంటారు.

చోరీకి సంబంధించిన వీడియో సోషల్ మీడియాలో వైరల్‌గా మారగా, ప్రజలు దానిపై జోకులు వేస్తున్నారు.కొంతమంది పోలీసులు, నితీష్ కుమార్ ప్రభుత్వంపై కూడా విమర్శలు చేస్తున్నారు.