రేవంత్ రెడ్డి ' ఆకస్మిక ' నిర్ణయం .. ఇక పరుగులు పెట్టిస్తారా ? 

తెలంగాణ కాంగ్రెస్ అధ్యక్షుడు,  సీఎం రేవంత్ రెడ్డి( CM Revanth Reddy ) పూర్తిస్థాయిలో పరిపాలనపై దృష్టి సారించేందుకు నిర్ణయించుకున్నారు .

ఇకపై పాలనలో తన మార్క్ కనిపించే విధంగా జాగ్రత్తలు తీసుకుంటున్నారు.

బీఆర్ఎస్ అధినేత  మాజీ సీఎం కేసీఆర్,  వైసీపీ అధినేత ఏపీ మాజీ సీఎం జగన్ పరిపాలనను పరిగణలోకి తీసుకొని వారు చేసిన తప్పిదాలు తాను చేయకూడదని నిర్ణయానికి రేవంత్ రెడ్డి వచ్చారు.జగన్ , కేసీఆర్  పూర్తిగా తమ కార్యాలయాలకు పరిమితం కావడం ,జనాల్లోకి వెళ్ళకపోవడం వల్లనే వారు మాజీలు అయ్యారని, ఆ తప్పు తాను చేయకుండా పూర్తిగా జనాలతో మమేకం అయ్యే విధంగా పరిపాలనలో పారదర్శకతను పెంచే విధంగా రేవంత్ సిద్ధమవుతున్నారు.

తెలంగాణ అసెంబ్లీ ఎన్నికలు పూర్తయిన తర్వాత లోక్ సభ ఎన్నికలు రావడం , ఎన్నికల కోడ్ అమల్లో ఉండడంతో పూర్తిగా ఎన్నికల వ్యవహాల పైన ఫోకస్ చేశారు.దీంతో పాలనపరంగా ముందుకు వెళ్లేందుకు ఎన్నికల కోడ్( Election Code ) సైతం అడ్డు వచ్చింది.