ఆర్-5 జోన్‎పై సుప్రీంకోర్టు తీర్పు

అమరావతిలో పేదలకు ఇళ్ల స్థలాల కేటాయింపులకు సుప్రీం కోర్టు గ్రీన్ సిగ్నల్ ఇచ్చింది.ఆర్ -5 జోన్ వ్యవహారంపై సుప్రీంకోర్టులో సుదీర్ఘ వాదనలు కొనసాగాయి.

ఆర్-5 జోన్ లో పేదలకు ఇళ్ల స్థలాలు ఇవ్వొచ్చని ధర్మాసనం పేర్కొంది.ఈ క్రమంలో హైకోర్టు తుది తీర్పునకు కట్టుబడి ఉండాలని సుప్రీంకోర్టు తెలిపింది.

పట్టాలు పంపిణీ చేసినా హక్కుదారులకు హైకోర్టు తీర్పునకు లోబడే హక్కులు ఉంటాయని పేర్కొంది.లబ్ధిదారులు వేరే వాళ్లకు విక్రయించరాదంది.

అమరావతి కేసులో వచ్చే తుది తీర్పునకు లోబడే పట్టాల పంపిణీ ఉంటుందని తెలిపింది.ఈ క్రమంలోనే హైకోర్టు ఇచ్చిన మధ్యంతర ఉత్తర్వులను సుప్రీం సవరించింది.

కాగా పేదలకు ఇళ్ల స్థలాలను ఇవ్వడాన్ని సవాల్ చేస్తూ సుప్రీంలో పిటిషన్లు దాఖలైన సంగతి తెలిసిందే.