శ్రీరామనవమి స్పెషల్.. వెండితెరపై శ్రీరాముని పాత్ర పోషించి మెప్పించిన నటులు వీళ్లే!

తెలుగులో ఇప్పటికే రామాయణం, రాముడు ఆధారంగా ఎన్నో సినిమాలు తెరకెక్కిన విషయం తెలిసిందే.

ఎన్టీఆర్‌ నుంచి ప్రభాస్‌ ( Prabhas , NTR ) వరకు పలువురు స్టార్‌ హీరోలు రాముడి పాత్రలు పోషించి మెప్పించారు.

ఇకపోతే నేడు అనగా ఏప్రిల్‌ 17 శ్రీరామనమవి.మరి ఈ సందర్భంగా రామాయణం నేపథ్యంలో వచ్చిన సినిమాలు, రాముడిగా మెప్పించిన హీరోలు ఎవరో ఇప్పుడు మనం తెలుసు కుందాం.

మొట్టమొదటిసారి టాలీవుడ్‌ తెరపై రాముడి పాత్ర పోషించింది యడవల్లి సూర్య నారాయణ.పాదుకా పట్టాభిషేకం( Paduka cpattabishekam ) సినిమాలో సూర్యనారాయణ రాముడిగా నటించి మెప్పించారు.

బాదామి సర్వోత్తం దర్శకత్వం వహించిన ఈ సినిమా 1932లో విడుదలై మంచి విజయం సాధించింది.తెలుగులో వచ్చిన రెండో టాకీ మూవీ.

ఇదే టైటిల్‌తో 1945లో మరో సినిమా తెరకెక్కింది.ఇందులో సి.

ఎస్.ఆర్ ఆంజనేయులు( CSR Anjaneyu ) రాముడిగా నటించి మెప్పించారు.ఆ తర్వాత 1944లో వచ్చిన శ్రీ సీతారామ జననం సినిమా( Sri Sitarama Jananam movie )లో ఏఎన్నార్‌ శ్రీరాముడి పాత్ర పోషించారు.

అలాగే శ్రీరాముడు పాత్రను ఎంతమంది పోషించినా అందరికి గుర్తిండేది మాత్రం ఒక్క ఎన్టీఆర్‌ మాత్రమే.వెండితెర రాముడు అనగానే అందరికి గుర్తొచ్చే రూపం ఎన్టీఆర్‌ మాత్రమే.1959లో విడుదలైన సంపూర్ణ రామాయణంతో తొలిసారి రాముడు గెటప్‌లో కనిపించాడు ఎన్టీఆర్‌.