తెలంగాణ ఎంసెట్ ర్యాంకర్ ను మెచ్చుకున్న సమంత.. నిన్ను చూస్తే గర్వంగా ఉందంటూ?

టాలీవుడ్ స్టార్ హీరోయిన్ సమంత( Samantha ) స్కూల్, కాలేజ్ లో చదివే సమయంలో టాపర్ అనే సంగతి తెలిసిందే.

చదువులో ప్రతిభ చూపే విద్యార్థులను ప్రశంసించే విషయంలో సైతం సమంత ముందువరసలో ఉంటారు.

గత కొంతకాలంగా ఆరోగ్యంపై ప్రత్యేక దృష్టి పెట్టిన సమంత సినిమాలకు కొంత బ్రేక్ ఇచ్చినా సోషల్ మీడియాలో మాత్రం యాక్టివ్ గానే ఉంటున్నారు.తాజాగా ఒక విద్యార్థినిపై సమంత ప్రశంసల వర్షం కురిపించారు.

కొన్నిరోజుల క్రితం పదో తరగతి టాపర్ ను అభినందించిన సమంత తాజాగా తన అభిమాని, ఎంసెట్ టాప్ ర్యాంకర్( Eamcet Top Ranker ) అయిన అమ్మాయిని మెచ్చుకున్నారు.తనకు వీరాభిమాని అయిన అమ్మాయి తెలంగాణ ఎంసెట్ పరీక్షలో టాప్ ర్యాంక్ సాధించడంతో సమంత ఆ విద్యార్థినితో కలిసి ఫోటో దిగడంతో పాటు ఆ ఫోటోను సోషల్ మీడియా వేదికగా పంచుకోవడం జరిగింది.