కాంగ్రెస్ కు రేవంత్ షాక్ ! రాజీనామా చేస్తానంటూ...?

పార్టీ వర్కింగ్ ప్రెసిడెంట్‌గా ఉన్న రేవంత్ రెడ్డి తన వర్గానికి అన్యాయం జరుగుతోందంటూ ఆవేదన వ్యక్తం చేశారు.తనతో పాటు పార్టీలో చేరిన వారికి టికెట్లు ఇవ్వడం లేదంటూ ఆరోపించిన ఆయన ఇలాగైతే తాను కూడా పోటీ నుంచి తప్పుకుని పార్టీకి రాజీనామా చేస్తానంటూ అధిష్టానానికి అల్టిమేటం జారీ చేశారు.దీంతో పునరాలోచనలో పడిన అధిష్టానం రేవంత్ వర్గానికి చెందిన ఏడుగురు అభ్యర్ధుల ఆశిస్తున్న స్ధానాలను పెండింగ్‌లో ఉంచారు.

అభ్యర్ధులను ఖారారు చేసినా చివరి నిమిషంలో జరిగిన పరిణామాలతో వరంగల్‌ ఈస్ట్‌, నిజామాబాద్ రూరల్‌, ఆర్మూర్ ఎల్లారెడ్డి, దేవరకొండ, ఇల్లందు, సూర్యపేట స్ధానాలను పెండింగ్‌లో ఉంచారు.కాంగ్రెస్ మార్క్ రాజకీయాలు అంటే ఇలాగే ఉంటాయి మరి.