వీడియో: ఏమిటీ చోద్యం... మేక‌పాలు పితికిన పంజాబ్ సీఎం..!

ఇటీవల జరిగిన పంజాబ్ అసెంబ్లీ ఎలక్షన్లలో ఆమ్ ఆద్మీ పార్టీ భారీ మెజారిటీతో గెలుస్తుందని ఎగ్జిట్ పోల్స్ తెలిపాయి.

అయితే పంజాబ్ సీఎం చరణ్‌జిత్‌ సింగ్‌ చన్నీ మాత్రం మార్చి 10 వరకు ఆగండి, ఎవరు గెలుస్తారో తెలుస్తుందని అంటూ తనదే గెలుపు అని ధీమాగా చెబుతున్నారు.

ఈ నేపథ్యంలోనే ఆయన ఎవరూ ఊహించని ఓ పని చేసి అందరినీ నివ్వెరపరుస్తున్నారు.యావత్ భారతదేశ వ్యాప్తంగా పంజాబ్ అసెంబ్లీ ఎలక్షన్ ఫలితాలపై ఉత్కంఠ నెలకొనగా.

ఈ కాంగ్రెస్ లీడర్ మాత్రం చాలా సరదాగా గడుపుతున్నారు.తాజాగా ఆయన మేకపాలు పితికారు.

దీనికి సంబంధించిన వీడియోని స్వయాన ఆయనే తన ట్విట్టర్ ఖాతాలో షేర్ చేయడం విశేషం.ఇది క్షణాల్లోనే వైరల్ గా మారింది.

ఈ వీడియో పై నెటిజన్లు సెటైర్లు పేల్చుతున్నారు.దీనికి ఇప్పటికే రెండున్నర లక్షలకు పైగా వ్యూస్ వచ్చాయి.

వైరల్ అవుతున్న వీడియోలో సీఎం చరణ్‌జిత్‌ సింగ్‌ చన్నీ తన కారు దిగి ఒక మేకల కాపరి వద్దకు రావడం మనం చూడొచ్చు.తర్వాత అక్కడే ఉన్న ఒక నల్ల మేకని పట్టుకుని దాని పాలని ఒక బాటిల్ లో పితకడం గమనించవచ్చు.