ప్రవాస భారతీయుల కోసం ప్రత్యేక రైలు .. ఏంటి దీని స్పెషాలిటీ?

మూడు వారాల పాటు సాగే ఈ రైలు ప్రయాణానికి సంబంధించి వివరాలను కూడా రైల్వేశాఖ విడుదల చేసింది.న్యూఢిల్లీలోని హజ్రత్ నిజాముద్దీన్ రైల్వే స్టేషన్ నుంచి ప్రారంభమయ్యే ఈ రైలు .అయోధ్య, రామేశ్వరం, మధురై, కొచ్చి, గోవా, పాట్నా, గయ, వారణాసి, మహాబలిపురం, ఏక్తా నగర్ (కెవాడియా) , అజ్మీర్, పుష్కర్ , ఆగ్రా వంటి ప్రదేశాల మీదుగా ప్రయాణిస్తుంది.ప్రవాసీ భారతీయ ఎక్స్‌ప్రెస్‌లో( Pravasi Bharatiya Express ) 156 సీట్లు అందుబాటులో ఉన్నాయి.

రైలు ప్రయాణానికి సంబంధించిన అన్ని ఖర్చులను ప్రభుత్వం భరిస్తుందని విదేశాంగ శాఖ తెలిపింది.దీనికి అదనంగా ఈ రైలులో ప్రయాణించేందుకు భారతదేశానికి వచ్చే వారికి విమాన ఛార్జీలలో 90 శాతం కూడా కేంద్రమే భరించనుంది.

కేవలం 10 శాతం మాత్రమే ప్రవాస భారతీయులు భరిస్తారు.రైలు ప్రయాణ సమయంలో వారికి 4 స్టార్ లేదా లగ్జరీ హోటల్స్‌లో బసను ఏర్పాటు చేయనున్నారు.