భీమ్లా నాయక్ కు ఏ మాత్రం ఉపయోగపడని జీవో.. అక్కడ రూ.5 కోట్లు నష్టమంటూ?

పవర్ స్టార్ పవన్ కళ్యాణ్ నటించిన భీమ్లా నాయక్ సినిమా గత నెల 25వ తేదీన థియేటర్లలో విడుదలైన సంగతి తెలిసిందే.

భారీ బడ్జెట్ తో, భారీ అంచనాలతో విడుదలైన ఈ సినిమా ఓవర్సీస్ లో ఇప్పటికే బ్రేక్ ఈవెన్ కాగా నైజాంలో కూడా త్వరలో బ్రేక్ ఈవెన్ అయ్యే అవకాశాలు ఉన్నాయి.

అయితే ఏపీలో మాత్రం డిస్ట్రిబ్యూటర్లకు ఈ సినిమా భారీ నష్టాలను మిగులుస్తోంది.ఏపీ ప్రభుత్వం తాజాగా అమలులోకి తెచ్చిన జీవో వల్ల భీమ్లా నాయక్ సినిమాకు ఏ మాత్రం చేకూరే అవకాశం కనిపించడం లేదు.

ఈరోజు నుంచే ఏపీలో కొత్త టికెట్ రేట్లు అమలులోకి రానున్నప్పటికీ భీమ్లా నాయక్ సినిమాపై ఆసక్తి ఉన్న ప్రేక్షకులు ఇప్పటికే ఈ సినిమాను చూసేశారు.వీక్ డేస్ లో ఈ సినిమాకు చెప్పుకోదగ్గ స్థాయిలో కలెక్షన్లు లేవు.

మార్చి 11వ తేదీన రాధేశ్యామ్ సినిమా థియేటర్లలో భారీస్థాయిలో రిలీజ్ కానున్న నేపథ్యంలో భీమ్లా నాయక్ ఎక్కువ సంఖ్యలో థియేటర్లను కోల్పోయే అవకాశం ఉంటుంది.సీడెడ్ లో మరో 5 కోట్ల రూపాయల కలెక్షన్లను సాధిస్తే మాత్రమే ఈ సినిమా బ్రేక్ ఈవెన్ అవుతుంది.

ప్రస్తుతం వస్తున్న కలెక్షన్లతో ఏపీలో భీమ్లా నాయక్ బ్రేక్ ఈవెన్ కావడం సులువు కాదనే కామెంట్లు వినిపిస్తున్నాయి.