దీపావళికి న్యూయార్క్‌లో స్కూళ్లకు సెలవు : బిల్లుకు గవర్నర్ ఆమోదం.. ఇకపై చట్టంగా , భారత కమ్యూనిటీ హర్షం

భారతీయుల ఫేవరేట్ పండుగలలో ఒకటైన దీపావళికి అమెరికాలో అరుదైన గౌరవం లభించింది.

దీపావళికి న్యూయార్క్‌ నగరంలోని పాఠశాలలకు సెలవు ప్రకటిస్తూ ప్రతిపాదించిన బిల్లుకు రాష్ట్ర గవర్నర్ క్యాథీ హోచుల్( State Governor Cathy Hochul ) ఆమోదముద్ర వేశారు.

దీంతో ఈ బిల్లు చట్టంగా మారింది.తద్వారా ఇకపై దీపావళి నాడు న్యూయార్క్‌లోని పాఠశాలలకు ప్రభుత్వం సెలవు ప్రకటిస్తుంది.

న్యూయార్క్ ( New York )నగరం విభిన్న మతాలు, సంస్కృతులతో సమృద్ధిగా వుందన్నార్ గవర్నర్.పాఠశాల క్యాలెండర్‌లో వైవిధ్యాన్ని గుర్తించి, జరుపుకోవడానికి కీలక అడుగు వేస్తున్నామని క్యాథీ హోచుల్ పేర్కొన్నారు.

ప్రతి ఏడాది భారతీయ క్యాలెండర్ ఎనిమిదవ నెలలో 15వ రోజున దీపావళిగా పిలుస్తారని గవర్నర్ కార్యాలయం ఓ ప్రకటనలో తెలిపింది.ఆ రోజున నగరంలోని అన్ని ప్రభుత్వ పాఠశాలలను మూసివేయాలని చట్టం చెబుతోందని పేర్కొంది.

దీపావళి రోజున న్యూయార్క్‌లో పాఠశాలలకు సెలవుగా పేర్కోవడం వల్ల ప్రపంచవ్యాప్తంగా వున్న సంప్రదాయాల గురించి తెలుసుకోవడానికి పిల్లలకు ఒక అద్భుత అవకాశంగా గవర్నర్ వెల్లడించారు.