ఆస్ట్రేలియాలో పని చేయడానికి భారతీయులకు కొత్త మార్గం.. టెంపరరీ గ్రాడ్యుయేట్ వీసా అనౌన్స్‌డ్‌..

ఆస్ట్రేలియా హైకమిషనర్ ఆస్ట్రేలియా కొత్త వలస విధానాన్ని తాజాగా ప్రకటించారు.

ఆస్ట్రేలియా-భారత్ ఆర్థిక సహకారం, వాణిజ్య ఒప్పందం ( AI-ECTA )లో భాగంగా ఈ విధానం తీసుకొచ్చారు.

ఈ విధానంతో భారతీయ గ్రాడ్యుయేట్లు టెంపరరీ గ్రాడ్యుయేట్ వీసాకు అర్హత పొందుతారు.దీని ద్వారా వారు తమ చదువులు పూర్తి చేసిన తర్వాత నిర్ణీత వ్యవధిలో ఆస్ట్రేలియాలో ఉండి వర్క్ చేసుకోగలుగుతారు.

AI-ECTA ప్రకారం, బ్యాచిలర్ డిగ్రీని పొందిన భారతీయ విద్యార్థులు ఈ వీసాపై రెండేళ్లపాటు ఆస్ట్రేలియా( Australia )లో ఉండవచ్చు.మాస్టర్స్ డిగ్రీ పూర్తి చేసిన వారికి మూడేళ్లు, పీహెచ్‌డీ గ్రాడ్యుయేట్లు నాలుగేళ్ల వీసాకు అర్హులు.

హైకమిషనర్, ఫిలిప్ గ్రీన్, తమ విద్య కోసం ఆస్ట్రేలియాను ఎంచుకునే భారతీయ విద్యార్థుల సంఖ్య పెరుగుతుండటంపై తన సానుకూల దృక్పథాన్ని వ్యక్తం చేశారు.