న్యూయార్క్ : క్వాడ్ విదేశాంగ మంత్రులతో జైశంకర్ భేటీ.. కెనడా అంశం ప్రస్తావన

కేంద్ర విదేశాంగ శాఖ మంత్రి డాక్టర్ ఎస్ జైశంకర్( Dr S Jaishankar ) అమెరికాలో బిజిబిజీగా గడుపుతున్నారు.భారతదేశానికి సన్నిహిత భాగస్వాములతో మంతనాలు ప్రారంభించారు.

భారత్‌కు అత్యంత సన్నిహిత దేశాలైన జపాన్, ఆస్ట్రేలియా( Japan, Australia ) విదేశాంగ మంత్రులతో న్యూయార్క్‌లో సమావేశమయ్యారు.ద్వైపాక్షిక, ప్రపంచ సమస్యలపై చర్చించారు.

ప్రస్తుతం భారత్‌పై కెనడా చేసిన ఆరోపణలను జైశంకర్ ప్రస్తావించారు.న్యూయార్క్‌లోని లోట్టే ప్యాలెస్ హోటల్‌లో క్వాడ్ మంత్రివర్గ సమావేశానికి హాజరైన తర్వాత జైశంకర్ ఈ ద్వైపాక్షిక సమావేశాలను నిర్వహించారు.

శుక్రవారం ఉదయం పార్లమెంట్ సమావేశాల్లో పాల్గొన్న అనంతరం ఆయన ఐక్యరాజ్యసమితి జనరల్ అసెంబ్లీ అత్యున్నత స్థాయి వారోత్సవాలలో పాల్గొనేందుకు న్యూయార్క్ చేరుకున్నారు.ఖలిస్తాన్ ఉగ్రవాది హర్దీప్ సింగ్ నిజ్జర్( Hardeep Singh Nijjar ) హత్యపై కెనడా చేసిన ఆరోపణలు దౌత్య ప్రపంచంలో చర్చనీయాంశంగా మారాయి.