సూర్యాపేట జిల్లా:తులసి వనంలో గంజాయి మొక్క అనేది పాత సమేత, కానీ,బంతి వనంలో గంజాయి మొక్క అనేది కొత్త ట్రెండ్ గా కనిపిస్తుంది.హూజూర్ నగర్ పట్టణం దీక్షిత్ నగర్ కు చెందిన బారి నాగరాజు తండ్రి అమరేశ్వర్ రావు(26) అనే యువకుడు గంజాయి మత్తుకు అలవాటుపడి ఏకంగా తన ఇంట్లోనే బంతి చెట్లలో ఒక గంజాయి మొక్క పెంచుతూ దొరికిపోయిన సంఘటన మంగళవారం వెలుగు చూసింది.
సమాచారం తెలుసుకున్న పోలీసులు ఇంటికి వెళ్లి తనిఖీ చేయగా బంతి చెట్ల మధ్య పెంచిన గంజాయి మొక్క లభ్యం కావడంతో నాగరాజును అదుపులోకి తీసుకుని,50 గ్రాముల గంజాయి మొక్క ను స్వాధీనం చేసుకున్నారు.గతంలో పలు దొంగతనాల కేసులలో నిందితుడు జైలుకు కూడా వెళ్లినట్లు హుజూర్ నగర్ ఎస్సై వెంకట్ రెడ్డి మీడియాకు వెల్లడించారు.
