కళ్లు లేకపోయినా మహారాష్ట్ర పబ్లిక్ సర్వీస్ పరీక్షలో జాబ్.. ఈమె సక్సెస్ కు హ్యాట్సాఫ్ అనాల్సిందే!

కళ్లు లేని వాళ్లకు నిత్య జీవితంలో ఎన్ని ఇబ్బందులు ఎదురవుతాయో ప్రత్యేకంగా చెప్పాల్సిన అవసరం లేదు.

అయితే కళ్లు లేకపోయినా తమ టాలెంట్ తో సక్సెస్ సాధిస్తూ చాలామంది ప్రశంసలు అందుకుంటున్నారు.

మాలా( Mala ) అనే యువతి సక్సెస్ స్టోరీ ప్రస్తుతం నెట్టింట హాట్ టాపిక్ అవుతోంది.మహారాష్ట్ర రాష్ట్రంలోని జల్గావ్ రైల్వే స్టేషన్ ( Jalgaon Railway Station )లో 25 సంవత్సరాల క్రితం చెత్తకుండీలో ఒక పసిపాప దొరికింది.

రెండు కళ్లు లేకపోవడం వల్లే ఆ పసిపాపను అక్కడ వదిలేశారని కామెంట్లు వ్యక్తమయ్యాయి.పోలీసులు ఎంత ప్రయత్నించినా ఆ చిన్నారిని వదిలిపెట్టిన తల్లీదండ్రుల జాడ మాత్రం తెలియలేదు.

పోలీసులు ఆ పాపను రిమాండ్ హోమ్ కు తరలించారు.సాధారణంగా అనాథల జీవితాలు ఎలా ఉంటాయో ప్రత్యేకంగా చెప్పాల్సిన అవసరం లేదు.

ఆ పాప అంధురాలు కావడంతో ఆ పాప పరిస్థితి మరింత దయనీయంగా ఉంది.