మెగా 152 టైటిల్‌ ఖరారు అయ్యిందోచ్‌

మెగాస్టార్‌ చిరంజీవి 152 చిత్రం ప్రారంభంకు రంగం సిద్దం అయ్యింది.

కొరటాల శివ దర్శకత్వంలో భారీ అంచనాల నడుమ రూపొందుతున్న ఈ చిత్రంకు అనేక టైటిల్స్‌ ను పరిశీలిస్తున్నారు.

గోవింద ఆచార్య అంటూ ఒక పోస్టర్‌ కూడా విడుదల అవ్వడంతో మెగా ఫ్యాన్స్‌ అంతా కూడా సంతోషించారు.కాని ఆ సినిమా టైటిల్‌ నిజం కాదని, పోస్టర్‌ కూడా నిజం కాదు అంటూ మెగా వర్గాల నుండి ప్రకటన వచ్చింది.

ఈ సమయంలోనే మెగాస్టార్‌ చిరంజీవి 152వ చిత్రం మరో టైటిల్‌ అంటూ వార్తలు వస్తున్నాయి.మెగా వర్గాల నుండి అందుతున్న సమాచారం ప్రకారం 152 చిత్రానిక గోవింద హరి గోవింద అనే టైటిల్‌ను పరిశీలిస్తున్నారట.

దేవాలయాలు మరియు అక్కడ జరుగుతున్న అవినీతి గురించిన విశేషాలతో ఈ చిత్రాన్ని దర్శకుడు కొరటాల శివ తెరకెక్కిస్తున్నాడంటూ సమాచారం అందుతోంది.రామ్‌ చరణ్‌ నిర్మాతగా వ్యవహరిస్తున్న ఈ సినిమాలో హీరోయిన్‌ విషయమై ఇంకా ఒక క్లారిటీ రాలేదు.

కాని అనేక మంది పేర్లు వినిపించాయి.

చిరంజీవికి జోడీగా త్రిష మరియు జెనీలియా అంటూ ప్రచారం జరుగుతోంది.అలాగే చిరంజీవి ఈ చిత్రంలో రెండు విభిన్న పాత్రల్లో కనిపించబోతున్నట్లుగా సమాచారం అందుతోంది.మెగా వర్గాల నుండి అందుతున్న సమాచారం ప్రకారం రామ్‌ చరణ్‌ కూడా కీలక పాత్రలో కనిపించే అవకాశం ఉందని సమాచారం అందుతోంది.

ప్రస్తుతం హైదరాబాద్‌ శివారులో భారీ సెట్టింగ్‌ నిర్మాణంను చేయిస్తున్నట్లుగా తెలుస్తోంది.