పాదయాత్ర చేయాలని డిసైడ్ అయిన వెంకటరెడ్డి

 కాంగ్రెస్ ను మళ్ళీ అధికారంలోకి తీసుకువచ్చేందుకు తాను పాదయాత్ర చేపట్టబోతున్నట్లు వెంకటరెడ్డి ప్రకటించారు.ముఖ్యమంత్రి పదవిపై తాను ఆశలు పెట్టుకోవడం లేదని , రాబోయే అసెంబ్లీ ఎన్నికల్లో కాంగ్రెస్ 70 నుంచి 80 సీట్లు గెలుచుకోగలదని వెంకటరెడ్డి ధీమా వ్యక్తం చేస్తున్నారు.త్వరలోనే రాష్ట్రమంతా పర్యటిస్తానని వెంకటరెడ్డి చెబుతున్నారు.

బ్రాహ్మణ వెల్లంల ప్రాజెక్టు వద్ద కృష్ణ జలాలకు పూజలు చేసిన అనంతరం వెంకటరెడ్డి మాట్లాడారు .ఈ సందర్భంగా వెంకటరెడ్డి అనుచరులు పెద్ద ఎత్తున సీఎం సిఎం అంటూ నినాదాలు చేశారు .దీనిపై స్పందించిన ఆయన కేవలం నినాదాలతో నేను ముఖ్యమంత్రిని కాలేను ఏఐసిసి అధ్యక్షుడు మల్లికార్జున ఖర్గే తో పాటు,  పార్టీ ఎమ్మెల్యేలు అందరినీ సంప్రదించిన తర్వాత హై కమాండ్ నిర్ణయం తీసుకుంటుంది.నా ప్రాధాన్యత సీఎం పదవి కాదు, ప్రజల సంక్షేమం రాష్ట్ర సాధన కోసం నా మంత్రి పదవిని త్యాగం చేశాను అంటూ వెంకటరెడ్డి అన్నారు.