క్యాడర్ కు ధైర్యం నూరిపొస్తున్న కేసీఆర్ 

ప్రజాస్వామ్యం లో అధికారం శాశ్వతం కాదు అని,  ప్రతిపక్ష పాత్ర కూడా శాశ్వతం కాదు అని,  మనకు ప్రజా తీర్పే శిరోధార్యం.వారు ఎటువంటి పాత్రను అప్పగిస్తే దానిని చిత్తశుద్ధితో నిర్వహించాలంటూ కేసిఆర్ వ్యాఖ్యానించారు.ఎర్రవల్లి ఫామ్ హౌస్ లో ఖమ్మం,  మహబూబాబాద్ ,వేములవాడ,  నర్సాపూర్,  ఇబ్రహీంపట్నం తదితర ప్రాంతాల నుంచి వచ్చిన పార్టీ కేడర్ తో కేసీఆర్ సమావేశం అయ్యారు.

ఈ సందర్భంగా కేడర్ కు ధైర్యం నింపే ప్రయత్నం చేశారు.అధికారం కోల్పోయామని బాధపడడం సరైన రాజకీయ నాయకుడి లక్షణం కాదు అని,  ప్రజా సంక్షేమం కోసం కొనసాగే నిరంతర ప్రక్రియనే రాజకీయమని కెసిఆర్ అన్నారు.

దానికి గెలుపు ఓటములతో సంబంధం ఉండదని , ప్రజల్లో కలిసి ఉంటూ వారి సమస్యలపై నిరంతరం పోరాడుతూ , వారి అభిమానాన్ని పొందాలని కెసిఆర్ సూచించారు.