సుకుమార్ ప్రొడక్షన్ లో సినిమా చేయనున్న కార్తికేయ

స్టార్ దర్శకుడుగా తనకంటూ ఒక బ్రాండ్ క్రియేట్ చేసుకున్న వ్యక్తి సుకుమార్.

ఓ వైపు దర్శకుడుగా స్టార్ హీరోలతో సినిమాలు చేస్తూ మరో వైపు నిర్మాతగా సుకుమార్ రైటింగ్స్ బ్యానర్ లో తన శిష్యులని దర్శకులుగా పరిచయం చేస్తున్నారు.

ఇప్పటికే చాలా మంది దర్శకులని తన బ్యానర్ ద్వారా సుకుమార్ పరిచయం చేశారు.ఉప్పెన సినిమాలో కూడా సుకుమార్ నిర్మాణ భాగస్వామిగా ఉండటంతో తన శిష్యుడు బుచ్చిబాబు సానాని దర్శకుడుగా పరిచయం చేశాడు.

ఇప్పుడు పల్నాటి సూర్య ప్రతాప్ తో నిఖిల్ హీరోగా 18 పేజెస్ అనే సినిమా చేస్తున్నాడు.ఈ సినిమా షూటింగ్ ప్రస్తుతం జరుగుతుంది.

ఇదిలా ఉంటే గీతా ఆర్ట్స్ 2తో కలిసి ఈ సినిమాని సుకుమార్ నిర్మిస్తున్నాడు.మరో వైపు గీతా ఆర్ట్స్2లో ఆర్ఎక్స్ 100 హీరో కార్తికేయ హీరోగా చావు కబురు చల్లగా అనే సినిమా తెరకెక్కింది.

ఈ సినిమా రిలీజ్ కి రెడీ అవుతుంది.దీని తర్వాత కార్తికేయ సుకుమార్ రైటింగ్స్, గీతాఆర్ట్స్2 సంయుక్తంగా నిర్మించబోయే సినిమాలో నటించనున్నట్లు తెలుస్తుంది.

ఈ సినిమాకి సంబందించిన స్క్రిప్ట్ వర్క్ ఇప్పటికే జరుగుతుందని సమాచారం.ఇక ఈ సినిమా ద్వారా సుకుమార్ టీమ్ నుంచి ఒకరు దర్శకుడుగా పరిచయం కాబోతున్నట్లు తెలుస్తుంది.

ఈ సినిమాని డిఫరెంట్ కాన్సెప్ట్ తో రొమాంటిక్ ఎంటర్టైనర్ గా సిద్ధం చేసినట్లు తెలుస్తుంది.త్వరలో ఈ సినిమాకి సంబంధించి అఫీషియల్ కన్ఫర్మేషన్ వచ్చే అవకాశం ఉందని బోగట్టా.

ఇక కార్తికేయ హీరోగా చావు కబురు చల్లగా సినిమా చేయడంతో పాటు అజిత్ హీరోగా తమిళంలో తెరకెక్కుతున్న వాలిమై సినిమాలో విలన్ గా నటిస్తున్నాడు.ఆ సినిమా సక్సెస్ అయితే తమిళంలో కూడా ఈ కుర్ర హీరో తన జోరు చూపించే అవకాశం ఉంది.